O Goberno subirá o IVE en 2013

O ministro de Economía, Luís De Guindos, deixou aberta a porta a unha subida do IVE o próximo ano co propósito de recadar uns 8.000 millóns de euros e poder cumprir co obxectivo de déficit.

"Vaise a producir unha modificación da estrutura da imposición en España, cunha redución da imposición sobre o traballo e un aumento sobre a imposición ao consumo", afirmou De Guindos este venres tras o Consello de Ministros.

A medida aplicarase o próximo ano en previsión dun cambio de ciclo económico "para non agravar o deterioro do consumo". "Non se trata só de IVE senón tamén doutros impostos ao consumo", engadiu De Guindos en referencia aos impostos dos carburantes, tabaco e alcohol. Con ese anuncio o equipo do presidente Mariano Rajoy enterra o súa determinación de non subir o IVE, unha intención anunciada en campaña electoral e ratificada durante os primeiros días de goberno.

Exame en Bruxelas

O Consello de Ministros tamén aprobou este venres un Plan Nacional de Reformas e de Estabilidade que o goberno trasladará a Bruxelas para que a Unión Europea coñeza os seus plans macroeconómicos ata o 2015. "En 2013 esperamos un lixeiro crecemento do PIB, un 3% de déficit e unha lixeira creación de emprego e en 2016 esperamos lograr o equilibrio presupuestario", dixo De Guindos.

O ministro mostrou certo optimismo por algúns datos positivos como o crecemento das exportacións e a estabilización da balanza comercial con outros países europeos.

Máis inspeccións laborais

Na mesma comparecencia, a ministra de Emprego, Fátima Báñez, tamén anunciou a creación dun plan de loita contra o emprego irregular e contra o engano á Seguridade Social. "Queremos combater a realidade na que moitos traballadores que non están de alta e hai unha elevada fraude de lei en prestaciones por desemprego", dixo a ministra.

O goberno manifestou a súa intención de reformar da Inspección de Traballo e a Seguridade Social e, como primeira medida, nomeará 53 novos inspectores e 60 subinspectores, segundo informou Báñez. Ademais prometeu un maior seguimiento das empresas que defraudaron á Seguridade Social e que se aumentará o período de prescripción para perseguir este tipo de fraudes.