A iniciativa dá un novo impulso a un compromiso co sector primario construído durante máis de 40 anos e consolida 15 anos de colaboración coa Universidade de Santiago de Compostela para poñer coñecemento, experiencia e talento ao servizo dunha gandería máis moderna, sostible, eficiente e competitiva.
Goretti Sanmartín sinala que “non houbo nin haberá” acordos económicos e que non se enterou ata hai uns días das posibles conexións do proxecto con Israel e que a información que manexa limítase á publicada polos medios.
A terminal de Santiago foi a que rexistrou a maior caída, cun recorte do 10% respecto ao mesmo mes do ano anterior; en Vigo o tráfico cae un 4%, mentres que no aeroporto da Coruña aumenta un 1%.
O TSXG desestimou o recurso presentado pola Asociación de Vivendas Turísticas de Galicia contra a modificación do PXOM que prohibía a instalación de pisos deste tipo na zona vella e nas rúas próximas.
Centos de taxistas rodearon San Caetano e denuncian que, aínda que os VTC só poden realizar servizos interurbanos con vehículo eléctrico entre diferentes municipios, "na práctica están traballando nas cidades a nivel urbano".
O Concello aprobou unha modificación das ordenanzas reguladoras de ingresos públicos que inclúe a aplicación dun recargo de entre o 50 e o 150% no imposto de bens inmobles en vivendas que estean desocupadas durante dous ou máis anos cuxos propietarios sexan titulares de catro ou máis inmobles.
A concelleira de Capital Cultural, Turismo, Educación e Memoria Histórica de Santiago de Compostela, Miriam Louzao, critica que atoparon "máis explicacións" na nota de prensa remitida pola Xunta que na resolución enviada ao concello.
