Investimento extra de 200 millóns na modernización das sedes corporativas de Inditex
O grupo téxtil anuncia un investimento extraordinario para “a modernización e mellora das nosas instalacións corporativas en toda a compañía” que se suma aos 2.300 millóns de euros previstos para todo o ano.
Vista exterior das instalacións de Inditex en Arteixo.
Comentarios
Inditex tamén quere poñerse guapa por dentro. Farao a través dunha inversión extra de 200 millóns na mellora das súas sedes corporativas. E é que o grupo téxtil anuncia unha inversión extraordinaria para “a modernización e mellora das nosas instalacións corporativas en toda a compañía” que se suma aos 2.300 millóns de euros previstos para todo o ano.
O salto tamén é grande en canto ás súas inversións recorrentes, xa que a compañía previra o ano pasado que, no acumulado de 2025, terían sido en total 1.800 millóns. “No presente exercicio planificáronse inversións para incrementar a capacidade operativa, obter eficiencias e aumentar a diferenciación”, anuncia a compañía de Amancio Ortega.
Os novos proxectos
“Estimamos unha inversión ordinaria de arredor de 2.300 millóns de euros en 2026”. Ademais, explica, “destinaranse preto de 200 millóns de euros de inversión extraordinaria á modernización e mellora das nosas instalacións corporativas en toda a compañía, reforzando a posición de Inditex como empregador de referencia”.
O xigante téxtil de Arteixo informa á CNMV de que no primeiro semestre deste ano levaronse a cabo actividades de optimización (reformas, reubicacións, novas aperturas e absorcións) en 51 mercados. Ao peche do período, Inditex operaba 5.444 tendas.
Zara inaugurou novas localizacións, como Los Cabos, en México. Ademais, “realizamos importantes ampliacións, reubicacións e remodelacións nalgunhas das nosas tendas máis emblemáticas, como as de Bond Street en Londres, Gangnam en Seúl e Ostende en Bélxica”, explica o grupo. En agosto, Bershka abriu a súa primeira tenda en Estados Unidos, en Aventura Mall, Miami. “Esta é unha das dúas aperturas previstas para este formato na área de Miami nun futuro próximo”, segundo Inditex.
