O PP da Galiza vê uma “atitude antidemocrática” no PSOE e no BNG por “boicotar” a moção de censura em Lugo

O PP galego ataca o PSdeG e o BNG devido ao incidente desta quinta-feira na Concello de Lugo. A súa secretaria xeral, Paula Prado, censurou os abucheos e o lanzamento de moedas ao grupo popular e á concelleira tránsfuga María Reigosa, impulsores da moción de censura contra o goberno municipal.

Paula Prado acusou ambas formacións de cruzar “unha liña vermella” e atacou a, ao seu xuízo, “actitude antidemocrática” fronte ao que denominou como “moción de impulso” na cidade da muralla.

“Continúan na escalada de insultos, de odio e de manipulación dun proceso democrático”, insistiu a número 2 do PPdeG, que destacou que PSdeG e BNG “cruzaron unha liña vermella ao tratar de facer todo o posible por boicoteare o pleno municipal”, en alusión ao cambio de hora, á “convocatoria de manifestación” e ao feito de que se puxeron “do lado de quen insulta e agrede a representantes municipais democraticamente elixidos”.

Paula Prado reiterou que PSdeG e BNG queren “frenar un proceso absolutamente legal, sen ser capaces de defender a súa xestión no goberno bipartito”. “Cando o PP trata de traballar pola cidadanía de Lugo, socialistas e nacionalistas só teñen interese en frear a moción, un proceso que validaron cando se tratou de que Pedro Sánchez chegase á Moncloa“, constatou.

Finalmente, reafirmou o apoio do PPdeG á líder do partido en Lugo, Elena Candia, e ao resto de compañeiros, que “contan cun proxecto para Lugo, pensado para resolver os problemas dos veciños”. “Elena Candia será alcaldesa, e reactivará a cidade, porque merece un goberno mellor e saír da inacción”, sentenciou Prado.