Enagás impulsará a conexión galega do hidróxeno en Europa ante o interese das empresas

O deseño da rede española do hidróxeno esperta o interese das empresas e axentes do sector, incluído o corredor entre Guitiriz e Zamora. É unha das conclusións que extrae Enagás dos proxectos presentados á call for interest do hidróxeno renovable, cuxos resultados se están presentando este mércores nunha xornada en Madrid. O xestor da rede gasista xa anunciara que incluiría nas mostras de interese a conexión galega, que quedou fóra da selección da Comisión Europea de Proxectos de Interese Común (PCI), moi influenciada por priorizar as infraestruturas necesarias para as interconexións, é dicir, para trasladar o hidróxeno producido en España polo corredor europeo H2Med.

Á alarma xerada por aquela exclusión respondeu Enagás reafirmando a súa aposta polo ramal, que comprou o ano pasado a Reganosa nunha operación que levou á regasificadora galega ao accionariado do Musel. Tamén dixo a compañía que presentaría de novo a conexión Guitiriz-Zamora á próxima convocatoria dos PCI. Agora, parece ter máis razóns para facelo

Proxectos en Galicia

As manifestacións de interese recollidas por Enagás comprenden 650 proxectos cuxo potencial de produción anual oscila entre os 1,6 e os 7,9 millóns de toneladas, en función do seu grao de madurez. #De acordo con Enagás, nun escenario de potencial máximo, que recolle as cifras totais rexistradas no proceso, estes proxectos supoñerían unha produción de hidróxeno verde de 7,9 millóns de toneladas ao ano; 74,3 gigavatios (GW) de electrólise e 1,4 millóns de toneladas anuais de consumo.

No caso de Galicia, a previsión da compañía é que a produción de hidróxeno sitúese entre as 30.000 e as 100.000 toneladas en 2030. O consumo, pola súa banda, sería inferior ás 30.000 toneladas. Ademais, a comunidade conta con proxectos para captación de CO2 e para a produción de amoníaco. Universal Kraft e a alianza entre Resonac e Ignis presentaron proxectos deste tipo.