Que monte temos, que monte queremos

Dous dos grandes protagonistas do sector forestal sentan nesta ocasión en Galicia en clave económica, o podcast de Economía Digital Galicia e Onda Cero. Trátase de José Carballo, presidente de honra da Fundación Arume, ex presidente de Unemadera e ex conselleiro delegado de Finsa, e Juan Picos, profesor e subdirector da Escola de Enxeñaría Forestal da Universidade de Vigo.

Carballo e Picos parten da recente onda de incendios para analizar o futuro do monte en Galicia, desde as súas fortalezas e as súas debilidades. Fano da man de Julián Rodríguez, director de Economía Digital Galicia; Ignacio Capeáns, director de Onda Cero Galicia, e Ángeles San Luis, xefa de informativos de Onda Cero Galicia.