A minería abraza a regularización de migrantes para compensar a «falta de man de obra» en Galicia
A Cámara Oficial Mineira de Galicia considera que este plan pode ser "beneficioso" para o sector ante a falta de traballadores.
Reunión entre a Cámara Mineira de Galicia e o Subdelegado do Goberno en Ourense, Eladio Santos
Comentarios
Reunión entre os representantes da Cámara Oficial Mineira de Galicia e o subdelegado do Goberno en Ourense, Eladio Santos, co plan de regularización de inmigrantes como pano de fondo.
Desde a entidade que agrupa as empresas mineiras puxeron en valor a regularización extraordinaria de persoas migrantes que residen en España, xa que consideran que pode ser “beneficiosa” para paliar a “falta de man de obra” no sector.
Segundo informou a Subdelegación do Goberno a través dunha nota de prensa, ambas partes acordaron manter a colaboración para defender os intereses do sector na provincia de Ourense. Ademais, tamén, Eladio Santos recolleu as súas demandas e afirmou que as trasladará aos correspondentes ministerios.
Finalmente, os representantes da Cámara Mineira indicaron que a regularización extraordinaria de persoas migrantes pode ser “beneficiosa” para paliar a “falta de man de obra” no sector.
