A tenda de Nadal de Zara única no mundo está na Coruña.
A flagship de Zara na Coruña contará ata o 5 de xaneiro cun espazo especial que simula unha oficina postal de Nadal, deseñada por Zara Home, e cunha oferta especial.
Tenda de Zara na Coruña, cunha decoración especial de Nadal a cargo de Zara Home.
Comentarios
Zara Home inaugurou este xoves o seu xa tradicional Pop-Up de Nadal na flagship de Zara en A Coruña, na rúa Compostela. Este ano o concepto xira arredor dunha oficina postal, “onde cada detalle cobra vida”. “Un aceno ao imaxinario nadaleño”, destaca a marca. Trátase da única tenda do grupo que desde este xoves e ata o 5 de xaneiro conta cunha remodelación nadaleña deste calibre.
Entre caixas de correo de estética antiga e mesas de traballo, o percorrido convive con algúns dos escenarios máis recoñecibles de edicións anteriores: un gran árbore de Nadal de cinco metros de altura, a maqueta iluminada, o tren en movemento, a habitación das estrelas ou o café, que corre a cargo da cadea Siboney.
Contacontos e produtos especiais
Máis alá da decoración especial da tenda, o grupo decidiu que na mesma dúas veces ao día ata o 5 de xaneiro o espazo acolla dous espectáculos diarios de contacontos, totalmente gratuítos e que non precisan de inscrición previa. Será dentro dun espazo denominado a jaima, decorado con téxtiles que apostan por unha paleta limpa, dominada por raias en algodóns e tecidos suaves.
Dentro da oferta especial que presentará a tenda, ademais do posto de café e chocolate con churros nadaleño, tamén contará cun servizo para poder bordar nomes en prendas, pensando en agasallos personalizados para estas navidades. Haberá tamén un córner especial en colaboración con Zara, dedicado a prendas de punto de inspiración nadaleña para toda a familia.
Este espazo efémero convivirá durante toda a Nadal con O Apartamento, na 4ª planta da mesma tenda, e coas tendas de Zara Home na Praza de Lugo e Zara Home Kids en Padre Feijóo.
