Amancio López crea a promotora Belesar Properties, con base de operacións en Chantada

O corazón de Chantada e O Saviñao inspira e dá nome ao novo proxecto do lucense afincado en Barcelona Amancio López. O empresario, dono de Hotusa e da cadea Eurostars, acaba de crear Belesar Properties, unha sociedade limitada da que o chantadino é administrador único. O dono de Hotusa constitúe a promotora cun capital de 10.000 euros e ponlla baixo a órbita de Tandem Apartaments, filial que pertence ao grupo e está dedicada a un novo concepto de hoteis e suites urbanas de luxo.

Belesar Properties ten como administrador a Amancio López e como socio único a Tandem Apartaments, creada en 2016, con domicilio social en Barcelona e que cada ano foi ampliando a súa actividade e dimensións, ata contar cun capital social de 1,4 millóns de euros, segundo datos do Rexistro Mercantil.

O proxecto de Belesar Properties

Belesar Properties comenzou a súa actividade o pasado mes de xuño, e ten por obxecto a compravenda, construción e explotación en calquera forma de toda clase de terreos e inmobles. Tamén será obxecto da sociedade a promoción e explotación de calquera actividade de hostelería ou restauración, así como a explotación de locais comerciais e de oficina. Belesar está domiciliada precisamente en Chantada, onde o Grupo Hotusa consolida o seu proxecto de formación con 250 empregados e futuros directivos.

Tandem é unha das marcas baixo as que opera Eurostars, e irmá de outras cadeas como Aurea, Exe, Ikonik ou Crisol. En concreto, Tanden Suites & Premium Apartaments é un concepto que combina o urbano e o luxo. “Suites e apartamentos premium ubicados no corazón das cidades que te permitirán descubrir cada destino da forma máis intensa e inmersiva”, sinala a compañía. Tamén pon en valor a súa “coidada decoración e os espectaculares edificios históricos renovados nos que se emplazan”.

Rei en Galicia

Hotusa, con unha forte presenza en Galicia, e con A Toxa como referente con tres establecementos, ten unha carteira de 270 hoteis operativos. A compañía de Amancio López situou a súa cifra de negocio ao peche do ano pasado en 1.560 millóns de euros, tras medrar un 10% anual. O seu ebitda (beneficio antes de intereses, impostos, depreciacións e amortizacións) aumentou un 20%, ata os 242 millóns de euros, mentres que o beneficio neto disparouse un 25%, ata os 115 millóns, fronte aos 92 millóns de 2023 ou os 56 millóns de 2022.