A Fundación La Caixa incrementa o seu investimento social en Galicia ata os 16 millóns
O presidente da Xunta de Galicia, Alfonso Rueda, e o presidente da Fundación La Caixa, Isidro Fainé, na sinatura do acordo marco – XAIME CORTIZO
Comentarios
A Fundación La Caixa e a Xunta asinaron un acordo marco polo cal a entidade dedicará un total de 16 millóns de euros a acción social en Galicia en 2026, un millón de euros máis que o ano anterior.
O convenio, rubricado polo presidente da Xunta de Galicia, Alfonso Rueda, e o presidente da Fundación, Isidro Fainé, recolle a colaboración entre ambas institucións en materia de acción social, investigación, educación e cultura para este ano.
“Con este aumento sostido do noso orzamento queremos facer patente, un ano máis, o noso compromiso estable coa sociedade galega. Cremos que ante a inestabilidade global precisanse accións sólidas e duradeiras que permitan dar unha resposta eficiente aos retos do noso tempo. Grazas á colaboración inestimable da Xunta de Galicia, a nosa acción social adáptase ás necesidades específicas deste territorio para contribuír ao seu progreso e ao benestar dos galegos”, explicou o presidente da Fundación La Caixa, Isidro Fainé.
Pola súa banda, o presidente da Xunta de Galicia, Alfonso Rueda, agradeceu o traballo que realiza a Fundación na comunidade galega.
Líneas de actuación
As diferentes liñas de actuación serán: loita contra a pobreza —a través do programa CaixaProinfancia—, un programa con 1.589 nenos e 955 familias atendidas en Galicia en 2025; inserción sociolaboral de persoas en risco de exclusión —a través de Incorpora—; apoio psicosocial a persoas con enfermidades avanzadas; programa de acompañamento das persoas maiores; así como impulso de proxectos de entidades sociais sen ánimo de lucro.
Doutra banda, a rede de oficinas de CaixaBank, mediante axudas da Fundación La Caixa, impulsa proxectos e actividades nos ámbitos social, cultural e educativo. Ao longo do ano 2025 facilitaron 181 destas axudas en Galicia, cunha inversión de 760.000 euros por parte da Fundación.
En materia cultural, as exposicións que organiza a entidade na comunidade recibiron máis de 37.000 visitantes durante o ano pasado.
