Onze das catorce empresas galegas premiadas polo Consorcio da Zona Franca de Vigo son de Pontevedra.
Na súa sétima edición, os Premios Ardán á Excelencia Empresarial distinguen 14 compañías, das que 9 pertencen á área de Vigo, unha a Lalín e outra a O Grove; as tres restantes corresponden ás provincias da Coruña, con dúas empresas galardoadas, e Ourense, con unha.
Presentación dos VII Premios Ardán á Excelencia Empresarial
Comentarios
Protagonismo do tecido empresarial de Pontevedra nos Premios Ardán á Excelencia Empresarial. Das 14 empresas galardoadas na sétima edición dos premios impulsados polo Consorcio da Zona Franca de Vigo, 11 son da provincia: nove delas están na área de Vigo, unha en Lalín e outra en O Grove. Do resto de firmas que foron recoñecidas este ano, dúas pertencen a A Coruña e unha a Ourense.
“Os Premios ARDAN son unha ferramenta de referencia, dixo Regades, empresas capaces de destacar en ámbitos decisivos como a solvencia, o crecemento, a rendibilidade, a produtividade, a innovación, a internacionalización, a sustentabilidade, o talento ou a igualdade”, sinalou este martes David Regades, delegado do Estado na Zona Franca de Vigo na gala de prensa previa á entrega dos premios, que se celebrarán o próximo xoves 4 de xuño no Palacio de Congresos Mar de Vigo.
Empresas galardoadas
Na edición son 14 as empresas que foron recoñecidas con 5 e 4 indicadores de excelencia. Entre elas están Ceamsa en O Porriño; Cuvidasa en San Cibrán das Viñas; Hermasa en Vigo; RodaVigo en Mos; Torus Software da Coruña; CZ Vaccines en O Porriño; e Inasus de Lalín, presentan 5 indicadores ARDAN. Pola súa banda, con 4 indicadores conseguen o Premio ARDAN as empresas Optare Solutions, de Vigo; Borgwarner Emissions, de Vigo; Grupo Bermúdez de Carral, A Coruña; Ictel Ingenieros, de Vigo; o Náutico de San Vicente, de O Grove; Quobis Networks de O Porriño; e Velneo, de O Porriño. A elas súmase Abanca, a entidade presidida por Juan Carlos Escotet, que recibirá o Premio Especial á Traxectoria Empresarial.
“Unhas repiten e outras chegan por primeira vez. Son de sectores distintos e teñen tamaños e traxectorias diferentes. Hai industriais, tecnolóxicas, loxísticas ou de servizos; consolidadas ou máis novas; con forte implantación local ou con presenza internacional. Con todo, todas comparten trazos esenciais: rigor na xestión, capacidade de adaptación, ambición para mellorar e vontade de competir facendo as cousas ben. Defíneas unha cultura empresarial que prioriza a xestión sobre a improvisación e que entende que a innovación, a sustentabilidade, o talento e a igualdade son vantaxes competitivas reais”, sinalou Regades tras felicitar ás 14 empresas galegas galardoadas.
Pola súa banda o alcalde de Vigo, Abel Caballero, puxo o foco destes galardóns que se entregan cada ano no potencial das compañías establecidas no territorio. “Os premios Ardán recoñecen a excelencia empresarial da área de Vigo”.
Diferentes sectores e tamaños
As empresas recoñecidas, de diferentes sectores e tamaños, sitúanse entre as mellores polo cumprimento de criterios de talento, produtividade, sustentabilidade, innovación ou igualdade de xénero, entre outros indicadores, segundo explicou Susana Lama, responsable do equipo Ardán da Zona Franca.
Lama lembrou que os premios outórganse a partir dun estudo do desempeño das empresas, en base ao informe anual Ardán, que recolle datos de unhas 45.000 empresas. O recoñecemento, polo tanto, non é unha cuestión subxectiva ou de opinión, senón que responde a indicadores obxectivos moi esixentes e cada ano só entre o 3 e o 4 % das empresas logran superar o umbral dos 4 indicadores.
Os galardóns que recibirán as empresas foron elaborados pola enxeñeira, deseñadora e artesá de cerámica Paula Ojea. O acto de entrega, para o que xa se inscribiron máis de 400 persoas, contará coa intervención do profesor de Economía da Universidade de Barcelona, Gonzalo Bernardos, e coa actuación da chelista Margarida Mouriño.
