A Xunta ameaza ao Goberno co xulgado polo caso da AP-9
O Goberno galego dálle un mes de prazo ao Executivo central para que lle remita a documentación sobre o proceso de multa aberto pola Comisión Europea en relación coa prórroga.
AP-9 – DEPUTACIÓN DA CORUÑA – Arquivo
Comentarios
O presidente da Xunta, Alfonso Rueda, informou de que o seu Executivo decidiu este luns dar un mes de prazo ao Goberno central para que lle remita documentación sobre o proceso de infracción aberto pola Comisión Europea (CE) en relación á prórroga da AP-9 ou levará o asunto aos tribunais.
Trasladouno ao termo da reunión semanal do Executivo, nunha comparecencia ante os medios na que lembrou que hai máis de tres meses que a Xunta pediu ao Ministerio de Transportes que lle facilitase a documentación enviada pola Comisión Europea (CE), que considera ilegal a prórroga autorizada no seu día polo Executivo central cando o presidía o ‘popular’ José María Aznar; así como a resposta do propio Goberno español a Europa.
Sen resposta
“Non tivemos ningún tipo de resposta, volvimos a insistir e hoxe acordamos dar un prazo. Se no prazo dun mes non se nos achega o solicitado, emprenderemos accións xudiciais e entablaremos un recurso contencioso administrativo por esta falta de resposta do Goberno central”, advertiu Rueda.
O presidente galego incidiu en que o Parlamento acordou “por unanimidade” que o máis favorable, aproveitando a conxuntura europea, era o “rescate” e posterior transferencia da titularidade desta infraestrutura estratéxica para Galicia.
Rebajas
“É a mellor, a única solución”, incidiu Rueda, quen lamentou que o Goberno que dirixe Pedro Sánchez se manifestase ata agora en sentido “negativo” e que, mentres se efectúan rebaixas de peaxes noutros puntos de España, na AP-9 sigan á alza cada novo exercicio.
