A Xunta facilita o desembarco de Bioetanol Galicia coa súa nova planta en Curtis.
O Executivo autonómico concedeu a autorización ambiental integrada á planta coa que Bioetanol de Galicia valorizará residuos orgánicos procedentes das actividades gandeiras e das industrias agroalimentarias.
Imaxe do proxecto de Bioetanol de Galicia en Teixeiro (Curtis) / Xunta
Comentarios
Respaldo da Xunta á planta que Bioetanol de Galicia proxecta en Teixeiro (Curtis). O proxecto conseguiu a autorización ambiental integrada por parte do Executivo autonómico.
Trátase dun novo paso despois de que a iniciativa lograse o pasado mes de maio a declaración de impacto ambiental. Bioetanol de Galicia alana así a posta en marcha destas instalacións que se ubicarán nunha área contigua á planta de produción de bioetanol do mesmo promotor, que xa se atopa en funcionamento na actualidade.
Alí levantarase unha factoría dedicada á valorización de residuos orgánicos procedentes das actividades gandeiras e das industrias agroalimentarias, mediante dixestión anaerobia, para a producción de biometano que incorporará á actual rede de gas.
O proceso de obtención do biometano contará con dúas liñas de tratamento diferenciadas en función dos residuos que se van tratar e do destino do dixerido obtido (elaboración de fertilizantes, lodo tratado ou entrega a xestor de residuos). Paralelamente, en Curtis prevése levar a cabo outra planta de biometano, nese caso da empresa Norbiogás, que tamén foi declarada estratéxica pola Xunta.
