Inditex cae un 4% e borra todo o gañado en bolsa en 2026 ante as dúbidas cos seus márgenes
As accións de Inditex sofren a maior caída de todo o Ibex 35 tras o castigo dos investidores polo "forte aumento dos custos operativos"
O empresario Amancio Ortega, no concurso hípico de Casas Novas do concello coruñés de Arteixo. EFE/Cabalar
Comentarios
Castigo dos investidores a Inditex a pesar dos seus resultados récord. As accións da multinacional con sede en Arteixo protagonizan a maior caída de todo o Ibex 35 nunha xornada na que fixo públicos uns resultados correspondentes a un primeiro semestre do seu exercicio fiscal 2026 no que gañou 2.980 millóns de euros (un 6,8% máis) e facturou 19.755 millóns (un 7,6% máis).
En concreto, os títulos da firma que preside Marta Ortega desplomanse algo máis dun 4% a media sesión e retroceden ata o entorno dos 54,24 euros. Esta caída no parqué provoca que a compañía volva a números vermellos no acumulado do ano (perde un 2,1% do seu valor en bolsa no que vai de 2026) e que a súa capitalización bursátil descenda por debaixo da barreira dos 170.000 millóns de euros.
Inditex conta agora mesmo cun valor de mercado de uns 169.050 millóns de euros e ve ampliada a súa fenda respecto a Banco Santander, que afianza o seu liderado con 189.900 millóns de euros a pesar de tamén tinguirse de vermello na sesión do mércores (cai un 2,2%).
As razóns da caída
A pesar de lograr resultados récord, os investidores optaron por reducir posicións en Inditex ante a contracción dos márxes. “As vendas baten as estimacións, pero o marxe Ebit deteriorase máis do esperado por un forte aumento dos custos operativos”, apuntou a analista de Bankinter, Elena Fernández-Trapiella.
Nesta mesma liña, os analistas de XTB aseguran que a debilidade que as marcas occidentais están a mostrar en Asia “tamén está a prexudicar a Inditex“. “O crecemento dos ingresos nesta rexión (que tamén inclúe o resto do mundo) foi de tan só un 0,9% interanual no semestre completo. Excluíndo dita área, o crecemento dos ingresos é do 8,9%, cun gran desempeño de Europa (sen España)”, apostilan.
“Mantense o bo ton de crecemento das vendas ex divisa de cara ao inicio do terceiro trimestre, cun impacto divisa que debería ser máis reducido no segundo semestre que no primeiro semestre”, destacan os analistas de Renta 4.
O impacto da guerra en Irán
O marxe bruto creceu un 8,3%, ata 11.596 millóns de euros, e situouse no 58,7% das vendas, o que supón un alza de 40 puntos básicos fronte ao primeiro semestre de 2025.
Os gastos operativos, pola súa banda, repuntaron un 8,3% e creceron 50 puntos básicos por enriba das vendas mentres que o marxe neto retrocedeu do 15,2% ao 15,1% nun inicio de 2026 que, segundo o conselleiro delegado da compañía, Óscar García Maceiras, estivo marcado pola “incerteza xeopolítica”.
Durante a conference call cos analistas, o primeiro executivo de Inditex recoñeceu “ventos en contra” nos primeiros meses do ano como consecuencia “dos elevados custos operativos e de transporte” polas “disrupcións en Oriente Medio“, en referencia á guerra entre Estados Unidos e Israel con Irán, que desencadeou un alza nos prezos dos combustibles e varios meses de peche do Estreito de Ormuz.
De cara ao peche do ano, García Maceiras avanzou que o marxe bruto “manterase estable, cunha variación ao alza ou á baixa de ata 50 puntos básicos”.
