Rueda anima a visitar Galicia para ver o eclipse desde «unha posición privilexiada»
O presidente da Xunta reivindica que Galicia "é a porta de entrada do eclipse na Península Ibérica e dunha das primeiras zonas nas que poderá observarse na súa totalidade"
O presidente da Xunta, Alfonso Rueda, antes do Consello. – DAVID CABEZÓN @ XUNTA
Comentarios
O presidente da Xunta volcouse co eclipse. Alfonso Rueda difundiu un vídeo no seu perfil de Instagram no que reivindica Galicia como “un dos mellores lugares” para ver o eclipse solar do 12 de agosto, o primeiro total en máis de 110 anos na Península Ibérica.
“É a porta de entrada do eclipse na Península Ibérica e dunha das primeiras zonas nas que poderá observarse na súa totalidade”, continúa o presidente, antes de remarcar que se trata dun “acontecemento único que só se poderá ver completamente en catro países”, en referencia a Groenlandia, Islandia, Rusia e España.
Neste sentido, Rueda reivindica o feito de que Galicia conta con nove destinos Starlight e máis de 140 concellos “cunha posición privilexiada” para observar este fenómeno e descubrir Galicia como “destino singular”. “Outro máis”, apostila.
Ao mesmo tempo, apunta a entrar en eclipse.xunta.gal —o portal que habilitou a Xunta con información ao respecto— ante calquera dúbida ou para obter máis datos e insta a seguir as recomendacións expertas para ver o eclipse con seguridade. “Galicia Calidade tamén no ceo”, conclúe.
