O avogado das vítimas de Angrois cre que hai paralelismos con Adamuz se houbo avisos e non se analizaron riscos
O letrado da plataforma de vítimas do Alvia, sinistro ocorrido hai 13 anos, cre que debe aclararse se houbo advertencias dos maquinistas, como ocorreu no caso galego.
Un agente trabaja en el lugar del accidente, a 20 de enero de 2026, en Adamuz, Córdoba, Andalucía (España). El descarrilamiento de un tren de alta velocidad y la posterior colisión con otro convoy, ocurrido en la tarde de este domingo en Adamuz (Córdoba), ha dejado un amplio operativo de emergencias en marcha, la suspensión de varias conexiones ferroviarias y una investigación abierta para esclarecer sus causas. El número de fallecidos en el descarrilamiento de trenes alcanza este martes, al menos 41 personas, siendo un total de 122 las personas atendidas por el siniestro, con 117 adultos y cinco niños. En este momento, hay 39 personas ingresadas –37 adultos y cuatro niños. Rocío Ruz / Europa Press 20 ENERO 2026;UME;GUARDIA CIVIL;PIXELADA 20/1/2026
Comentarios
O avogado da plataforma de vítimas do accidente do tren Alvia ocorrido en Angrois en xullo de 2013, Manuel Alonso Ferrezuelo, cre que poden existir “paralelismos” co sinistro de Adamuz se se confirma que houbo avisos de maquinistas e non se analizou o risco da vía.
En declaracións a Europa Press, o letrado lamenta que 13 anos despois produciuse un accidente “desta magnitude”, cun gran número de vítimas. O sinistro de Santiago saldouse con 80 mortos ao descarrilar o Alvia na curva de A Grandeira.
Existen grandes diferenzas entre ambos sinistros, aínda que o letrado das vítimas indica que haberá que investigar se, como se apunta agora, houbo maquinistas que alertaron do estado da vía en Adamuz, cousa que tamén ocorreu en Angrois, onde un xefe de maquinistas alertara da perigosidade da curva. “Se iso é verdade, tela”, advirte.
Investigación do xuíz instructor
Tamén apunta á inversión para realizar melloras que se acababa de facer na liña Madrid-Sevilla, en parte con fondos europeos. “Haberá que ver como se fixo, e se houbo estudo de riscos”, destaca.
Pola súa parte, ve “vital” a investigación que faga o xuíz instructor, con inspección técnico-ocular nas primeiras horas, toma de declaracións e “despois” analizando a información das caixas negras. Se hai cámaras que gravaron tamén “pode ser relevante”, segundo constata.
A Comisión de Investigación, en tela de xuízo
En canto á investigación que xa comezou a CIAF, a comisión de investigación de accidentes ferroviarios, que está adscrita ao Ministerio de Transportes, subliña que “garantida a súa independencia non está”, precisamente por esta “dependencia” e a vinculación dos seus membros con Renfe e Adif.
Durante anos, as vítimas do sinistro de Angrois reivindicaron “verdade e xustiza”, e Europa atendeu as súas demandas censurando o informe que realizou na súa día a CIAF sobre o accidente do Alvia.
Tanto a Axencia Ferroviaria Europea como a Comisión pediron que a investigación oficial do Estado (a da CIAF) analizase máis causas neste sinistro ademais do exceso de velocidade, pero o organismo rexeitou elaborar un novo documento.
Xuízo de Angrois
Pola súa parte, a xustiza acabou condenando ao maquinista e ao ex alto cargo de Adif responsable da seguridade no seu momento, ao determinar que el tamén foi autor de 79 delitos de homicidio por imprudencia profesional ao non constar un análisis de riscos do tramo da curva, desprovisto do máximo sistema de seguridade. De telo, segundo a xuíza, o accidente non se tería producido.
Contra a sentenza interpuiséronse 108 recursos e está pendente a resolución destes días da Audiencia Provincial da Coruña.
