A consultora de Carlos Negreira e o exdirector do Igape engordan e case duplican as súas inversións en empresas.
Windone Consultores, creada en 2016, eleva os seus activos por riba dos dous millóns de euros, e mellora ingresos ata os 726.000 euros, así como a filial Windtwo Advisor, que factura 850.000 euros.
Carlos Negreira, en una imagen de archivo de 2014, cuando era alcalde de A Coruña. Foto: Concello de A Coruña
Comentarios
Carlos Negreira deixou a alcaldía da Coruña en 2015. Antes, ocupara postos en diferentes administracións como a presidencia de Portos de Galicia ou cargos en Madrid distribuídos por Aena ou Correos. Lonxe de María Pita comezou unha travesía nun terreo que, en certa medida, xa coñecía, como era o sector privado. Pero facíao por conta propia. Foi así como naceu primeiro Windone Consultores, apenas un ano despois de deixar a alcaldía, e Windtwo Advisor, xa en 2017. E desde entón.
Para esa viaxe, Negreira contou cun aliado que hoxe segue nos seus proxectos. Trátase de Javier Aguilera, socio director en Windone desde os inicios e ex director do Igape, onde estivera entre 2011 e 2016. Con anterioridade, Aguilera fora director xeral de Xesgalicia. ¿E que son hoxe en día Windone Consultores e Windtwo Advisor? Pois algo máis que unha consultora ao uso, a dicir polo negocio que manexan.
O grupo crece
Ao longo dos anos o grupo consultor de Negreira e Aguilera incorporou unha serie de participadas que levam á cabeza, a Windone, a contar nos seus activos con investimentos en empresas do grupo valoradas en case un millón de euros. Así o reflicten as contas da firma ao peche de 2024, cando contaba con 943.000 euros en investimentos en empresas do grupo só a curto prazo. Un ano antes, en 2023, esa partida do balance era de 496.000 euros, o que se traduce nun crecemento de algo máis do 90%.
Windone Consultores posúe o 70% do capital da outra filial operativa, Windtwo Advisor, así como outras tres participadas máis. Controla algo máis do 50% de Iberflow Global Solutions SL; o 75% de Wind Flow Sea SA, ambas domiciliadas en Madrid, e o 75% de Windone Infraestructuras, SL, con sede social na Coruña. Ao seu vez, Windtwo controla Goddwhile SL, da que declara un 75% do capital.
O negocio
O grupo consultor de Negreira e Aguilera pechou 2024 cunha cifra de negocio conxunta de algo máis de 1,5 millóns de euros, fronte ao 1,1 millón de euros de ingresos que sumaban ambas firmas en 2023. Windone aportou 726.000 euros (598.000 euros en 2023) e Windtwo, uns 849.000 euros, fronte aos 562.000 euros do exercicio precedente. No caso de Windone, os axustes extracontables deducibles supoñen un importe de 180.000 euros, correspondentes á exención do 95% dos ingresos por dividendos.
Windone suma xa 2,1 millóns de activo, cun patrimonio de 1,8 millóns. A filial presenta un activo de un millón, cun substancial descenso sobre o rexistrado un ano antes. O beneficio de explotación da matriz é relativamente modesto. Uns 337.000 euros gañou Windone en 2024, fronte aos 225.800 euros do ano anterior. Windtwo arrojou un beneficio operativo moito máis modesto, pero os ingresos financeiros de 1,5 millóns que apuntara en 2023 fixeron que ese ano o resultado neto se fora aos 1,6 millóns en dito ano. Sen eses ingresos financeiros, o beneficio neto de Windtwo o ano pasado foi de apenas 37.000 euros.
