Ignacio Colmenares (Ence), galardoado co Premio SICampo 2026
O premio outorgado por Alianza Rural recoñece o compromiso da compañía co desenvolvemento sostible rural.
Comentarios
Ignacio Colmenares, presidente e CEO de Ence, recibiu o Premio SICampo 2026, un recoñecemento outorgado por Alianza Rural ao compromiso de Ence co desenvolvemento sostible do medio rural.
“Ence é o maior xestor forestal de España, referente en Europa na produción de celulosas especiais e o maior xerador de enerxías renovables a partir de biomasa agrícola, forestal e gandeira”, explican desde a compañía nunha nota de prensa.
Tamén destacan o seu “papel estratéxico” no impulso da autonomía enerxética ao transformar biomasa local e restos forestais, agrícolas e gandeiros en enerxía eléctrica, calor renovable para descarbonizar a industria, biometano e biofertilizantes e, no futuro, combustibles renovables para a aviación.
Ignacio Colmenares mencionou neste recoñecemento ao gran impulsor desta estratexia, Juan Luis Arregui, presidente de honra de Ence, e ao equipo da compañía, cuxo talento e compromiso converteron a Ence nun referente no desenvolvemento do medio rural.
