Lence e o ‘leiteiro’ de Mercadona, a contracorrente: aumentan vendas fronte ás caídas de Lactalis, Capsa e Celta

As principais industrias lácteas que operan no mercado español pecharon o exercicio de 2024 cun incremento da rendibilidade. Grupos como Lactalis (Puleva, Président, Ram…), Capsa (Larsa, Central Lechera Asturiana…), Leche Celta ou Clun (Feiraco, Clesa, Únicla) conseguiron unha mellora no resultado de explotación ou o ebitda, despois do impacto que xerou nos seus marxes o período inflacionista. Con todo, todas elas encadraron tamén un descenso no volume de negocio nun ano no que seguiu influíndo a fortaleza da marca branca e que se pechou cun lixeiro incremento nas entregas de leite (do 1,18% en España e do 2,06% en Galicia, a maior produtora do Estado) e unha caída nos prezos, que segundo os datos do Ministerio de Agricultura, retrocederon máis dun 10%.

Dentro desta pauta xeral hai dous versos libres: Grupo Lence, a maior empresa galega do sector; e Naturleite, o provedor galego de Mercadona. A compañía que comercializa Leche Río e Leyma alcanzou os 284,7 millóns de facturación, o que supuxo un incremento do 9,53% respecto a 2023. Esta cifra supón duplicar os ingresos que tiñan hai cinco anos e, segundo expresou a presidenta, Carmen Lence, a intención da empresa é continuar crecendo para volver a duplicar a facturación no próximo lustro, o que implicaría superar os 560 millóns no horizonte de 2029. “É a forma que temos de axudar a fixar poboación e a evitar, así, o despoboamento do campo” dixo.

Naturleite, que envasa na súa planta de Meira para Hacendado, elevou tamén as vendas un 5%, ata alcanzar os 132 millóns de facturación. A este crecemento contribuíu a actividade de Cereais Rego, a empresa de alimentación animal que comprou en 2023 e que o ano pasado pechou o seu primeiro exercicio completo integrado no provedor de Mercadona.

La caída de ingresos na industria láctea

O crecemento de Lence e Naturleite deixa algúns matices relevantes para entender a evolución do mercado no pasado exercicio. A compañía lucense, con plantas en Lugo e A Coruña, incrementou o peso da súa produción para marca de distribución, que representou o 54% dos ingresos, fronte ao 50% de hai un ano. Ademáis, creceu a un ritmo menor que en 2023, cando aumentara un 25% a facturación, aínda impulsada polos efectos da inflación.

No caso do provedor da cadea de Juan Roig, ademais da aportación á cifra de negocio de Cereais Rego, cabe sinalar que o seu propietario, Covap, o gran suministrador de leite de Mercadona, pechou un ano plano en canto a facturación, con 1.013 millóns, a pesar de marcar un récord na produción de leite (814 millóns de litros vendidos entre leite e manteiga).

No resto da industria, polo menos na que xa fixo públicos os seus resultados, a tendencia foi a contraria. Os principais operadores do sector reduciron a súa cifra de negocio, incluíndo os líderes do mercado por ingresos, Lactalis e Capsa, así como o segundo maior grupo lácteo galego, CLUN, que produce as marcas Feiraco, Clesa e Unicla.

Lactalis: 1.676 millóns de ingresos, un 0,71% menos

Capsa: 921,7 millóns  de ingresos, un 4,75% menos

Central Lechera Asturiana (incluíndo Capsa): 996,7 millóns de ingresos, un 5% menos.

Leche Celta: 300,6 millóns de ingresos, un 14% menos

CLUN: 249,8 millóns, un 6,8%  menos

Leche Celta e Lence lideran o aumento de beneficios

Se houbo dúas excepcións no lado dos ingresos, o incremento da rendibilidade foi xeneralizado en todas as industrias que fixeron públicos os seus resultados. Destacan por riba das demais Leche Celta, que rozou os 9 millóns de beneficios, un incremento do 161% respecto a 2023; e, de novo, o grupo que preside Carmen Lence, cun resultado de explotación de 22 millóns, un 69% máis. De feito, Grupo Lence explicou que as marxes se situaron en niveis récord durante o ano.

Lactalis, a compañía que máis leite recolle en Galicia (515 millóns de litros en 2024) non ofrecíu datos sobre os seus beneficios ou ebitda. Si o fixo Capsa, que elevou o seu ebitda desde os 46,8 millóns de 2023 aos 64,1 millóns, en consonancia coa mellora nesta mesma magnitude do seu dono, Central Lechera Asturiana, que aumentou un 25% o ebitda no exercicio, ata os 56,6 millóns. A compañía que capitanea o lucense José Armando Tellado é a segunda que máis leite recolle ás granxas galegas.

CLUN, pola súa banda, alcanzou un ebitda de 8,48 millóns de euros, o mellor resultado dende a súa fundación.