Manuel Rodríguez endereza os seus estaleiros antes da venda de Metalships e o seu grupo inversor volve a beneficios

• Navantia atopa en Galicia o seu socio para sistemas de vixilancia marítima
• Amper medra á sombra de Navantia e gaña outro contrato de nove millóns

Manuel Rodríguez, histórico do naval galego, endereitou a conta de resultados dos seus negocios en 2025, o exercicio previo a explorar a venda do estaleiro Metalships, no radar do grupo estadounidense Oyster Ocean LLC. Abada, o holding do empresario, pechou o pasado exercicio de volta a beneficios, igual que os seus dous principais activos, a atarazada de Teis e Rodman, ubicada en Moaña.

Segundo a información consultada por Economía Dixital Galicia a través da base de datos de informa.com, Abada finalizou 2025 con uns activos de 75,3 millóns e unha cifra de negocios que se minorou dos 29,4 aos 27 millóns de euros. Non obstante, no seu conxunto, menores gastos por aprovisionamentos melloraron o seu resultado de explotación, que pasou dun negativo de cinco millóns a 580.000 euros en vermello. O grupo logrou así anotarse un beneficio neto de 1,1 millóns de euros fronte ás perdas de 1,6 millóns do exercicio anterior.

Vólta nos estaleiros

Ademais, e segundo as contas individuais dos seus grandes estaleiros, ambos, Metalships e Rodman lograron dar a volta á situación e tamén abandonar as perdas. A primeira pasou dun negativo de 900.000 euros en 2024 a un discreto beneficio de uns 40.000 euros, mentres que a segunda conseguiu reverter as perdas de 1,71 millóns dese ano para declarar un beneficio neto de 1,76 millóns.

Aínda que os dous estaleiros melloraron de forma considerable a súa situación, o gran motor de beneficios de Abada continúa sendo Rodman, que achegou un beneficio de 1,6 millóns de euros ao resultado consolidado do grupo fronte ás perdas de 780.000 euros de Metalships, que nos últimos anos recibiu numerosas inxeccións da súa matriz para manter a estabilidade.

Ademais, o grupo Abada tamén consolida os resultados da sociedade Neumáticas de Vigo, que achegou á compañía un beneficio de preto de 170.000 euros.

Grupo de carácter familiar no que Manuel Rodríguez ostenta unha participación do 70% do capital fronte ao 30% restante que se reparte entre dous dos seus fillos, Óscar e Silvia Rodríguez García, Abada con unha débeda a curto prazo de 4,7 millóns de euros e de algo máis de 200.000 euros a longo.

Rodman

Aínda que Rodman se anotou en 2025 un beneficio de 1,7 millóns de euros, a súa cifra de negocio retrocedeu ao longo do ano pasado un 15,3%, ata os 16,2 millóns. Explican, non obstante, os administradores do estaleiro que a redución se debeu a un menor volume de produción no primeiro semestre que logo foi paliado coa consecución de novos pedidos e unha consolidación da carteira comercial.

A división de náutica profesional aglutina o 85% da facturación do estaleiro, con unhas vendas de 13,6 millóns fronte aos dous millóns do segmento de náutica de recreo.

Metalships

Metalships, pola súa banda, mantivo o ano pasado a súa cifra de negocios, que se incrementou lixeiramente dos 9,1 aos 9,6 millóns. No seu caso, existen dúas liñas de negocio diferenciadas: a de novas construcións e a de reparacións.

Os administradores da atarazada indican que as súas perspectivas para este 2026 son as de superar, só coa área de negocio de reparacións, os 11,5 millóns de euros en vendas.

Habera que ver se, finalmente, Metalships acaba o ano ou non en mans do grupo de Manuel Rodríguez. Aínda que a compravenda aínda non se pechou, a Autoridade Portuaria de Vigo xa autorizou a transmisión das concesións portuarias do estaleiro, o que allana o acordo e evidencia o avanzado das conversas.