Actualizado
Comentarios
Quantum trocea BlueFloat, gran promotor da eólica mariña en Galicia, para vendelo
O fondo estadounidense negocia a venda das participacións dos seus catro proxectos no Reino Unido e os seis de Italia e estaría a traballar na desinversión dos seus activos en Filipinas, Taiwán e España, entre os que se atopan o parque Nordés, proxectado fronte á costa da Coruña
Transporte de un aerogenerador / Bluefloat
Comentarios
Quantum Capital Group prepara a súa saída de BlueFloat Energy, grupo de renovables que promove o parque de eólica offshore Nordés fronte á costa da Coruña. O fondo norteamericano está a negociar a venda por xeografías da empresa que chegou a contar cunha carteira de 34,1 gigavatios en proxectos de eólica mariña en unha ducia de países.
Segundo avanzou O Economista, Quantum –que controla a firma española a través do seu fondo especializado 547 Energy– está a finalizar a venda para transferir a Nadara, compañía controlada por JP Morgan, as participacións dos seus catro proxectos no Reino Unido e os seis de Italia. Además disto, tamén estaría a traballar na desinversión dos seus activos en España, Filipinas ou Taiwán.
En Escocia, a compañía española, con sede en Madrid, conta con catro proxectos de eólica mariña que suman case 3.800 megavatios (MW) de capacidade: Bellrock, Broadshore, Stromar e os das plantas Scarabe e Sinclair. Pola súa banda, en Italia ten seis activos que alcanzan unha potencia de case 4.500 MW.
Máis aló do Parque Nordés
O fondo estadounidense estaría a traballar na venda das súas participacións nos proxectos en España onde sumarían unha potencia de máis de 1.200 megavatios cos proxectos Nordés, ubicado entre Cedeira Cariño, na costa galega, de 525 MW; o do parque Tramuntana, na costa catalana, de 522 MW; e o do canario Tarahal, de 225 MW.
Nos tres proxectos conta con Sener e Plenitude como socios que, segundo sinala O Economista, se postulan como principais compradores.
O ano pasado Quatum explorou a venda do grupo, que terminou por paralizar a finais do ano pasado. O fondo recibiu mostras de interese de investidores xaponeses, aínda que preferiu agardar un mellor contexto global de mercado para elevar o valor da operación.
Cambios no consello de administración
En febreiro deste ano, o antes CEO da compañía, Carlos Martín, anunciou nas redes sociais a súa saída da compañía. O directivo acabou fichando pola chinesa Dajin, coa que asinara en setembro de 2024 un Memorando de Entendimento (MoU) destinado a impulsar a sustentabilidade da industria eólica mariña flotante.
A de Martín non foi a única saída da empresa nos últimos meses. Tamén se sumaron Walid Oulmane, antigo responsable de Sourcing e Portos na promotora do parque Nordés; Francisco Villazón, o xefe da área de Inxeniería; Corentin Thepaut, o director técnico da alianza entre BlueFloat Energy – Nadara para o desenvolvemento dunha carteira de 2,3 GW en proxectos eólicos flotantes no Reino Unido; e Ainhoa Villar, a responsable de Desenvolvemento de Negocio en España, que se foi a Plenitude, a filial de Eni que impulsa xunto a Bluefloat e Sener o parque galego.
