Repsol move ficha ante a crise en Irán e descarga petróleo de México e Venezuela na Coruña

Repsol reforza o papel da súa refinería na Coruña ante a crise enerxética. As instalacións da compañía que lidera Josu Jon Imaz acolleron a descarga de dous buques de cru pesado procedentes de México e Venezuela na Coruña, produto que as refinerías da enerxética no país transformarán en combustibles, no actual contexto de crise polo conflito no Oriente Próximo.

Segundo recolle a axencia Europa Press, a empresa informou que implementou medidas para xestionar a produción e a loxística das súas cinco refinerías en España. Grazas á flexibilidade do seu sistema de refino avanzado, un dos máis eficientes de Europa, a compañía é capaz de tratar uns 60 tipos de cru e reducir a dependencia de España de rutas como o Estreito de Ormuz.

Repsol conta cun total de cinco complexos industriais (refinerías) en España, situados en localizacións estratéxicas como A Coruña, Cartagena, Bilbao, Puertollano e Tarragona.

Estes centros industriais están especializados no refino de petróleo e na produción de química e atópanse nun proceso de transformación cara á produción de combustibles renovables e materias primas baixas en carbono.