Telefónica, Ednon e Indra reinan entre as ‘telecos’ da Xunta con 80 millóns en contratos en 2025.
Altia, Plexus e NNT Data, a antiga Everis, tamén conseguen contratos millonarios do Sergas e da Amtega; Telefónica fixo co novo computador cuántico do Cesga por 9 millóns e Ednon logrou 16 millóns dos novos sistemas de almacenamento de datos.
O presidente de Indra, Ángel Escribano; e o de Telefónica, Marc Murtra.
Comentarios
Telefónica e Ednon, a empresa compostelá dirixida por Javier Atán, fixéronse en 2025 cos maiores contratos tecnolóxicos licitados polo Goberno galego a través do seu principal instrumento para esta tarefa, a Axencia para a Modernización Tecnolóxica de Galicia (Amtega). Entre estas dúas empresas e Indra, que pescou varios contratos importantes en alianza con Altia, adxudicáronse máis de 70 millóns nos concursos da entidade que dirixe desde fai menos dun mes Damián Rey. A esta cifra hai que sumar outra licitación importante que caeu nas mans do grupo que capitanea Marc Murtra: o novo computador cuántico do Cesga (Centro de Supercomputación de Galicia), adxudicado en decembro por algo máis de 9 millóns a través da Fundación Pública Cesga.
Xunto a estas empresas, tamén obtiveron encargos millonarios Improsec, Grupo Ricoh (IPM), a xaponesa NNT Data ou a francesa Inetum.
