Augas de Galicia traballa para evitar o arrastre de cinzas dos incendios aos ríos.

• "Portazo" de Rueda á condonación da débeda: «É un negocio ruinoso para Galicia»
• A Xunta reúnese en Ourense co foco nas axudas para os afectados polos incendios.

Augas de Galicia continuará, como xa realizou durante a última semana, cunha “programación continua” de traballos de conservación fluvial co obxectivo de evitar os arrastres das cinzas de incendios aos ríos ante a chegada das choivas.

Así o destacou a conselleira de Medio Ambiente e Cambio Climático, Ángeles Vázquez, en unha visita á parroquia de Santa Cristina de Cobres, no concello de Vilaboa (Pontevedra), afectada por un incendio en agosto.

Este, xunto a Ponteceso, Meaño e Lousame, é un dos lugares nos que a entidade autonómica traballou durante a última semana para reducir os efectos das escorrentías. Estas tarefas límitanse aos ríos da Demarcación Hidrográfica Galicia-Costa, a única de competencia autonómica das catro en que se divide a comunidade.

Evitar a contaminación dos ríos

As tarefas consisten, segundo informa a Xunta, na instalación de barreiras anticontaminación nos contornos fluviais, como cordóns vexetais a base de ramas e troncos procedentes do entorno afectado polo lume para crear enredos de biomasa que minimicen a perda de solo e favorezan a rápida implantación de especies vexetais.

A maiores, tamén se están colocando barreiras de madeira, transversais ao curso do propio canle, en puntos con elevada pendente onde poden resultar efectivas para reducir a velocidade da auga e fixar arrastres.

Por exemplo, en Vilaboa están instalándose 3.710 metros de cordóns de vexetación e 110 metros de albarradas en 12 puntos do canle. Ademais, neste caso está previsto acometer labores de restauración en dous puntos nos que se executaron cortalumes, o que supuxo a ocupación do canle por terra e vexetación que agora serán retiradas para estabilizar e naturalizar o espazo.