Falece Ángel Jove Capellán, presidente do grupo Anjoca

Ángel Jove Capellán, presidente do grupo inmobiliario e hoteleiro Anjoca (matriz de Hoteles Elba), faleceu na mañá deste sábado

Nado en A Coruña en 1939, o coñecido empresario fundou a súa primeira empresa cando tiña 20 anos. Tratábase de Construccións Ángel Jove, a firma que establecería os alicerces do que anos máis tarde se convertería en Anjoca.

Máis alá da construción residencial, o grupo diversificou a súa actividade abríndose a sectores como o hoteleiro, o comercial, o xeriátrico ou o de servizos. Baixo a súa lideranza a compañía tamén ampliou a súa presenza internacional establecéndose en Europa, Latinoamérica e o norte de África.

Ángel Jove Capellán recibiu numerosos recoñecementos, como o Premio Victoriano Reinoso (AEGAMA, 2020), que valorou o seu percorrido e a súa capacidade de expansión máis alá de Galicia. Tamén foi investido Doutor Honoris Causa en Economía pola Constantinian University of Providence en recoñecemento á súa traxectoria e contribución económica