O Constitucional admite a trámite a ofensiva do Goberno contra as repotenciacións eólicas da Xunta

• Besteiro pide unha comisión de investigación polos acordos de Altri coa Xunta e denuncia «oscurantismo»
• A Xunta acusa a Pedro Sánchez de romper «o principio de igualdade» co novo sistema de financiamento.

O conflicto entre a Xunta e o Goberno pola nova normativa eólica autonómica resolverase no xulgado. O pleno do Tribunal Constitucional (TC) admitiu a trámite o recurso de inconstitucionalidade promovido polo Goberno contra os cambios legais que o Executivo autonómico introduciu tanto para a normativa eólica (incluída a repotenciación) como en materia de dependencia.

O Constitucional suspendeu a vixencia e aplicación dos ditos apartados dende a data de interposición do recurso (30 de setembro de 2025) para as partes do proceso e dende o día en que apareza publicada a suspensión no Boletín Oficial do Estado para os terceiros.

O Tribunal argumenta o recurso de inconstitucionalidade baseándose en que os artigos impugnados poderían vulnerar as competencias exclusivas do Estado sobre bases e coordinación da planificación xeral da actividade económica, autorización de instalacións eléctricas e transporte de enerxía e réxime mineiro e enerxético.

Os puntos cuestionados polo Executivo que dirixe Pedro Sánchez xiran en torno á nova regulación eólica galega (artigo 30 da lei de medidas), incluída a obriga de repotenciar que fixaba a Xunta no último cambio acometido. Porén, o Goberno tamén manifestou dúbidas da legalidade do punto relativo a vincular o grao de dependencia e de discapacidade, unha vía que a Xunta defende que activou para tratar de axilizar que as axudas chegasen aos destinatarios correspondentes (artigo 45).

Os puntos en disputa

O Goberno central explicou cando formalizou o recurso que as impugnacións relativas ao artigo 30 se fundamentan na súa “incompatibilidade” coas regulacións estatais existentes en relación co sector eléctrico e, singularmente, en materia de enerxía eólica.

Entre outros argumentos expostos no seu día, para o Goberno, a previsión autonómica relativa á repotenciación de parques eólicos “adolece de inconstitucionalidade”, en canto “obriga a substituír un número determinado de xeradores eólicos por outros de maior potencia…