Rueda pide ao Apóstolo “recuperar a integridade de España” e alerta contra a “turismofobia”
O presidente da Xunta exerce como delegado rexio na ofrenda ao Apóstolo Santiago e lamenta “unha España afundida na polarización extrema”
El presidente del Partido Popular, Alberto Núñez Feijóo (i), saluda al presidente de la Xunta de Galicia y del PP de Galicia, Alfonso Rueda (d), durante la tradicional ofrenda al Apóstol, a 25 de julio de 2025, en Santiago de Compostela, A Coruña, Galicia (España). El 25 de julio, festividad de Santiago Apóstol, es también el Día Nacional de Galicia (Día da Patria Galega) y el día grande de las Fiestas del Apóstol en Santiago de Compostela. Cada año, uno de los momentos centrales es la Ofrenda al Apóstol Santiago, un acto religioso y cívico que reúne a autoridades, fieles y peregrinos, y simboliza la petición de protección y amparo para Galicia y para España. César Arxina / Europa Press
Comentarios
O presidente da Xunta, Alfonso Rueda, que exerceu como delegado rexio na Ofrenda ao Apóstolo Santiago, urxiu a “recuperar a integridade e o respecto á lei” nunha España “afundida na polarización extrema” e “manchada por prácticas improprias de persoas decentes”.
No seu discurso na Catedral, Rueda pediu ao Apóstolo, “señor Santiago”, “recuperar a credibilidade e a lexitimidade de organizacións e institucións” no país.
Deste xeito fixo a petición ao Apóstolo Santiago de “inspiración e acerto para todos os gobernantes” e as “persoas que enfrontan a toma de decisións que repercuten na vida dos demáis”, ademais de apelar a construír unha Galicia “próspera”.
Día de Galicia
A Catedral de Santiago, como é tradicional cada 25 de xullo, Día de Galicia, acolleu a Eucaristía para conmemorar ao Apóstolo Santiago, patrón de España, na que participaron autoridades civís e militares.
Nesta misa estiveron, entre outros, o presidente do Parlamento galego, Miguel Santalices ; o delegado do Goberno en Galicia, Pedro Blanco; e o presidente do Partido Popular, Alberto Núñez Feijóo. Previamente, na Praza do Obradoiro, a alcaldesa de Santiago, Goretti Sanmartín, participou no saúdo ás autoridades.
“A tentación da turismofobia”
A intervención de Rueda comezou cunha defensa das “tradicións e historia” como esta Ofrenda Nacional ao Apóstolo Santiago, tras o que continuou invocando protección do Apóstolo para o rei de España, Felipe VI, co fin de que “continue desempeñando con acerto e exemplariedade as altas responsabilidades que lle corresponden, especialmente nun momento como o actual no que se necesitan referentes de integridade personal e institucional”.
O titular do Goberno galego lembrou que os peregrinos levan un milenio chegando a Santiago nun “fluxo incesante”, segundo di, “cada vez máis intenso, é certo”.
Con todo, fixo unha chamada a “superar a tentación da turismofobia”. “Pode e debe haber espazo para todos”, asegurou.
Destaca que a “Europa plural e tolerante” actual, “pioneira na defensa dos dereitos humanos”, “é herdada dos valores cristiáns”.
Crisis da vivenda e emigración
Acto seguido, Rueda enumerou diferentes desexos ante os retos de futuro: “Ofrecer servizos públicos de calidade; cultivar a cultura do esforzo e do respecto; aprofundar na riqueza histórica, cultural e lingüística da que somos depositarios; superar a crise da vivenda; xestionar con éxito os desafíos derivados da irrupción da intelixencia artificial; desterrar para sempre xamais a lacra da violencia, tamén e moi especialmente a violencia machista; substituír o insulto polo diálogo e o respecto para quen pensa diferente”.
