Como conseguir o bono turístico da Xunta paso a paso
Os solicitantes deberán aboar 90 euros por cada bono, 180 euros no caso de que accedan aos dous máximos, que lles facilitarán ata 300 euros para unha estancia o próximo outono nalgun dos establecementos participantes no programa
Varias personas disfrutan de la playa de Sanxenxo, a 4 de junio de 2021, en Sanxenxo, Pontevedra, Galicia, (España) – Beatriz Ciscar – Europa Press – Archivo
Comentarios
O Bono Turístico da Xunta xa está dispoñible para a súa descarga desde este venres, despois da publicación, o pasado luns, no Diario Oficial de Galicia (DOG) da resolución de Turismo de Galicia que regula o proceso de obtención para este ano.
Con esta publicación arranca oficialmente o procedemento para poñer en circulación máis de 16.000 bonos turísticos, que poderán utilizarse en diferentes establecementos e servizos turísticos da comunidade de Galicia fóra de tempada, concretamente entre o 15 de setembro e o 25 de decembro de 2025.
Pasos para adquirir o Bono Turístico
Os bonos poden descargarse desde as 09:00 horas deste 18 de xullo ata o 19 de decembro de 2025, a través da páxina web www.bonoturismo.gal.
Os bonos terán un valor unitario de 150 euros e estarán dispoñibles en formato QR. Cada persoa poderá solicitar un máximo de dous e estarán cofinanciados nun 40 % pola Xunta e nun 60 % polo solicitante. Isto supón que os beneficiarios deberán aboar 90 euros por bono, ou 180 euros se optan polos dous, que lles permitirá disfrutar de ata 300 euros para unha estancia no outono nos establecementos adheridos ao programa.
Os establecementos turísticos, aloxamentos e axencias de viaxe interesados en participar deberán inscribirse na mesma web do bono a partir do próximo martes e poderán facelo ata o 1 de decembro de 2025.
