A fórmula do Sabadell Galego para facer “un turismo mellor” e atraer “turistas mellores”

Se o turismo é a “industria da felicidade”, tanta alegría constrúese a base do traballo de moitas empresas e empresarios. Deixouno claro Pablo Junceda, o director xeral do Sabadell Galego e director adxunto de Banco Sabadell, que este martes participou na presentación do informe Futurismo. Outros Camiños, que tivo lugar na sede da Confederación de Empresarios de Galicia. A entidade financeira, ao igual que Economía Dixital e a propia CEG, foi un dos impulsores do estudo, precisamente, por esa capacidade do turismo para irrigar actividade cara a miles de empresas de diferentes ámbitos. “Por iso ten tanto sentido que un banco como o noso, que é o banco das empresas e, sobre todo, das pemes, esteamos hoxe apoiando esta actividade e este estudo. É unha mostra máis de que o Sabadell sabe estar onde hai que estar”, afirmou Junceda.

O directivo chamou a unha reflexión sobre a maneira na que vemos o sector e á maneira na que enfocamos o seu desenvolvemento. “O turismo deixou de ser un sector para ser unha verdadeira industria, a maior fábrica de oportunidades“, sinalou o director xeral do Sabadell Galego, quen advertiu que as empresas e políticas xa non compiten desde o “número de visitantes” senón da capacidade para ofrecer “experiencias”. Ademais de chamar a evitar a hiperregulación, algo no que tamén incidiu o presidente da Confederación de Empresarios de Galicia, Juan Manuel Vieites, Junceda desgranou algunhas das claves do turismo que vén, o horizonte ao que, ao seu entender, debe encamiñarse a industria turística.

“A formación é clave e vai diferenciar un sector con futuro de un que non o teña. Temos que facer un turismo mellor, se queremos turistas mellores”, sentenciou. Tamén chamou a perseguir a excelencia da oferta, que debe ter como ingredientes fundamentais que sexa accesible e que se apoie nas novas tecnoloxías.

Entre un amencer e un aparcamento

A idea dunha regulación que acompañe ao desenvolvemento dun sector, que ofreza seguridade en lugar de prohibicións e incerteza, que ordene o campo de xogo sen constreñir a evolución dos operadores, tamén estivo presente no relato de Junceda, tomando forma no contraste visual dun amencer na praia e un aparcamento. “Lonxe de prohibir, debe regularse para que as nosas praias, rías, montañas, anoiteceres e amenceres non se convertan en uns aparcamentos nos que só se poida gozar da beleza dos vehículos aparcados”, dixo o executivo.

Entre as súas recomendacións estivo a do traballo. Traballar duro e de maneira eficaz, pois iso condicionará moito máis os resultados que a sorte ou o clima. O esforzo debe conducir á profesionalización do sector e á anticipación, segundo Junceda. “O futuro espéranos, pero ten que deseñarse, debe innovarse e liderarse”, advertiu.

“Hoxe é un bo día para Galicia, por iso na miña casa estamos apoiando este traballo. A presentación deste informe é un claro sinal de que as cousas estánse facendo ben, pero queren facerse mellor“, concluíu o director xeral do Sabadell Galego.