Hereu asegura que traballa polo futuro de San Cibrao e farao “con Alcoa” ou cos americanos “e outra xente”
O Goberno prevé que o próximo semestre estarán operativas ao 100% as 512 cubas na planta de aluminio.
El ministro de Industria y Turismo, Jordi Hereu, durante una sesión de control al Gobierno, en el Congreso de los Diputados – Eduardo Parra – Europa Press
Comentarios
Jordi Hereu, ministro de Industria e Turismo, sinalou que o Executivo central está traballando para garantir o futuro da planta de Alcoa en San Cibrao, instalación que cualificou de “estratéxica para España”, e apuntou que o vai facer con Alcoa ou “con Alcoa e outra xente”.
Así o apuntou na sesión de control ao Goberno na que o deputado do BNG, Néstor Rego, dirixiu unha pregunta ao titular de Industria para preocuparse polo futuro da fábrica lucense, que leva “moitos anos en crise” e está xerando “moita incerteza” entre os traballadores e a sociedade galega.
En un primeiro turno de resposta, o ministro remarcou o papel “estratéxico” do aluminio en moitos sectores como a aviación, a construción ou a electrónica. Por iso, Hereu trasladou a Rego a relevancia que ten este material para o Goberno.
Neste contexto, asegurou que o Executivo está traballando para garantir a viabilidade e o emprego da factoría en Lugo e para facer posible o futuro de Alcoa en Galicia.
“Máis concreción”
As explicacións do ministro non convenceron a Rego e sinalou que os traballadores da empresa “agradecerían máis concreción”. A continuación, o deputado do Bloque denunciou que a empresa comprometeuse a ter para outubro de 2025 todas as cubas activas, pero na actualidade só hai 183 das 512 totais, o que equivale a menos do 45%.
Rego tamén denunciou que Alcoa se comprometeu a realizar investimentos para construír un novo forno de ánodos e levar a cabo diferentes melloras no plano medioambiental que agora mesmo non se sabe se van executar. Tamén reprochou que a empresa siga deslizando a posibilidade de vender a planta de San Cibrao, polo que insistiu en pedir a intervención do Estado, aínda que sexa de forma temporal, para evitar que iso suceda.
Na quenda de réplica, o ministro Hereu indicou que na actualidade xa hai máis de 220 cubas activas e espera que para o próximo semestre todas as cubas de produción estean en funcionamento.
