Luz verde da UE a Zendal para comercializar a súa vacina para tres serotipos de lingua azul en ovino
A vacina mellora a protección do gando ovino e simplifica a vacinación fronte a tres dos serotipos "con maior impacto epidemiolóxico, que poden circular de forma simultánea”.
Sede de Zendal no Porriño. Google Street View
Comentarios
Zendal, a biofarmacéutica con plantas en O Porriño, León, Barcelona e Paredes de Coura (Portugal), conseguiu a autorización de comercialización da Axencia Europea de Medicamentos (EMA) da primeira vacina trivalente fronte aos serotipos 1, 4 e 8 do virus da lingua azul, destinada a ovinos.
Segundo explicou a compañía nun comunicado, esta vacina mellora a protección do gando ovino e simplifica a vacinación fronte a tres dos serotipos “con maior impacto epidemiolóxico, que poden circular de forma simultánea e xerar importantes consecuencias sanitarias e económicas na gandería”.
Vetia Animal Health, filial de Zendal especializada en sanidade animal, será a encargada de comercializar en España e Portugal esta nova vacina fronte a tres serotipos simultáneos.
En 2025, Zendal suministrou máis de 55 millóns de doses de vacinas fronte á lingua azul e á enfermidade hemorráxica epizoótica (EHE), ambas enfermidades víricas transmitidas por vectores.
