Stellantis vira os seus números en España e distribúe 700 millóns en dividendos
O grupo español distribuirá máis dividendos este ano que nos últimos cinco exercicios grazas aos beneficios de 719 millóns cos que acaba o ano, vinculados á reversión de deterioros e ao resultado financeiro, pois tanto as vendas como os beneficios operativos minguaron
Antonio Filosa en su primera visita como CEO de Stellantis a la fábrica de Vigo
Comentarios
Stellantis deu un xiro como a unha meia ao balance do seu grupo español. Stellantis España, a filial creada tras a fusión con Fiat Chrysler para xestionar as operacións das factorías de Vigo, Zaragoza e Madrid, pechou o pasado exercicio con 719 millóns de beneficios, fronte ás perdas de 46,1 millóns de 2023. Este salto en canto a ganancias parece chocar coa tormenta que viveu o fabricante o ano pasado e que acabou coa dimisión de Carlos Tavares, queixoso pola difícil transposición ao mercado do proceso de electrificación. En realidade, os abultados beneficios, teñen truco.
Se o grupo viuse afectado en 2023 polo deterioro da súa filial arxentina, que controla a través de Stellantis España, o ano seguinte sucedeu o contrario. Peugeot Citroën Arxentina aumentou o seu valor en libros ata os 498,7 millóns, fronte aos 265,9 millóns do exercicio precedente. Ademais, pasou de perdas de 193,7 millóns a beneficios de 42,3 millóns, segundo a normativa contable española. Coma base a estas contas, a compañía anotouse un resultado positivo por reversión de deterioro de 232,8 millóns que empuxaron ao alza as ganancias do curso. En 2023, en cambio, rexistraronse deterioros de 525 millóns.
Tan favorable resultado financeiro permitiu a Stellantis propor a distribución de 704 millóns en dividendos dende a filial española, que ten o seu domicilio en Vigo, onde está a súa principal factoría do Estado. Esta cifra supera os 418,6 millóns que distribuíu nos últimos cinco anos e que, en realidade, van financiar outras filiais da compañía.
Cae a produción e os ingresos
Á marxe das pirulas financeiras arxentinas, a actividade da compañía mostra unha realidade máis axeitada ás dificultades atravesadas polo grupo, con descensos na produción, os ingresos e o emprego. Stellantis España alcanzou unha cifra de negocio de 15.496 millóns, por debaixo dos 16.581 millóns do curso previo. O retroceso está acorde coa caída da produción, que deixou atrás os máis dun millón de vehículos ensamblados en 2023 para quedarse nos 981.000. Aínda así foi o principal fabricante do Estado, cunha cota do 41,3% da produción e con Vigo como factoría estrela, ao montar 516.000 unidades.
O resultado de explotación tamén decreceu. Situouse nos 367,6 millóns, un 10% menos. O emprego tamén foi á baixa. A peche do exercicio Stellantis España contaba con 12.391 traballadores, fronte aos 13.487 do peche de 2023, é dicir, 1.100 empregados menos. Cabe lembrar que durante o período estiveron vixentes diversos Expedientes de Regulación Temporal (ERTE) tanto en Vigo como en Figueruelas (antiga planta de Opel en Zaragoza), que no caso da factoría olívica firmáronse por un máximo de 75 días.
Os liortas fiscais
Entre os malos resultados globais do grupo, Stellantis deu algunhas boas noticias a España. As máis relevantes foron a adxudicación da plataforma STLA Small para Vigo e Zaragoza, que lles garantiza as inversións tecnolóxicas necesarias para a fabricación da nova gama de vehículos eléctricos; e a construción da gigafactoría de baterías de Figueruelas en alianza con CATL, algo máis de 4.000 millóns de investimento.
Tamén recibiu a compañía o abrigo das axudas do Goberno a través de fondos europeos (máis de 300 millóns sen contar o respaldo á gigafactoría) e unha resposta amigable aos liortas fiscais que arrastra dende hai anos pola deducibilidade dos royalties repartidos intragrupo. Segundo consta na memoria de exercicio da filial española, o risco por este litixio está tasado actualmente en 88,7 millóns, aínda que chegou a situarse nos 320 millóns. De feito, en 2023 este mesmo risco estaba calculado en 217 millóns. Durante o exercicio 2024 o risco fiscal reduciuse substancialmente pola resolución favorable de varios procedementos amigables en materia da deducibilidade dos royalties e do margen de distribución dos exercicios 2015 a 2017 e do cash pooling dos exercicios 2011 a 2014, indica a modo de explicación a compañía.
