Besteiro acusa a Rueda de debuxar «unha Galicia irreal» e clama pola vivenda, a atención primaria e a industria
O líder dos socialistas galegos ve un balance "absolutamente pobre" na xestión de Rueda á fronte da Xunta e considera que o "único impulso decidido" á industria galega vén dos "Pertes do Goberno e dos fondos europeos".
O secretario xeral do PSdeG e voceiro do Grupo Socialista no Parlamento de Galicia, José Ramón Gómez Besteiro, ofrece unha rolda de prensa tras a reunión da Comisión Executiva Nacional Galega. Álvaro Ballesteros / Europa Press
Comentarios
José Ramón Gómez Besteiro arremete contra Alfonso Rueda pola súa intervención no debate sobre o estado da autonomía. O líder dos socialistas galegos sostivo que o presidente da Xunta. O líder do PSdeG, José Ramón Gómez Besteiro, sostivo que o presidente da Xunta fixo este mércores unha “emenda á totalidade da súa xestión” no que vai de lexislatura co seu discurso no Parlamento de Galicia.
Na súa comparecencia, Besteiro denunciou que, ao seu xuízo, Rueda fala dun “outro país” ao debuxar “unha Galicia absolutamente irreal” que non é a que perciben os galegos. Sobre este punto, o secretario xeral do PSdeG afeou a Rueda que en materia de vivenda “non dedicase nin unha soa palabra” para as máis de 32.000 persoas que están inscritas no rexistro de demandantes. “A mensaxe do presidente da Xunta foi que vaian esperando”, sinalou para censurar que “non hai unha política real para actuar sobre a vivenda e, sobre todo, para os que máis lles afecta a ausencia desta, que é a xente nova”.
Sobre o anuncio dunha “reforma integral da atención primaria”, Besteiro lamentou que a mensaxe siga sendo “máis do mesmo”, pero “sen actuar sobre a atención primaria”. “É, por tanto, unha mensaxe absolutamente pobre”, dixo.
Tras iso, argumentou que “a mensaxe industrial é aínda máis fácil e máis penosa”. “Pasamos da opacidade de Altri á opacidade de Recursos de Galicia“, manifestou para sosteñer que o “único impulso decidido faise a través dos Pertes do Goberno e dos fondos europeos”.
Das residencias aos incendios
En paralelo, Besteiro tamén afeou ao Executivo autonómico que “siga sen unha política eficaz para cubrir o baleiro de prazas de residencias”, reprochou que Rueda só dedicase “10 segundos” a falar de financiamento autonómico.
Unha atención que tamén criticou que Rueda non prestase aos incendios a pesar de que xa en abril “Galicia está a arder”. “Preséntase aquí a dicir que triplicou as inversións en materia de prevención e de extinción de incendios co Pladiga aínda sen publicar”, censurou.
Así as cousas, resumiu: “Nada en aposta en vivenda, nada en aposta en sanidade, nada en aposta industrial e nada tampouco en aposta de protección do medio rural”. “O balance é absolutamente pobre”, subliñou Besteiro.
