Galicia concentra máis da metade das 34 materias primas críticas que quere a UE, do litio ao cobalto

• Eurobattery acelera coa súa mina de A Gudiña e encarga o deseño da planta para procesar o volframio
• A produción mineira cae un 6% en Galicia á espera dos grandes proxectos de Touro, Doade e A Gudiña

“Falar de minería hoxe xa non é falar da minería do pasado”. Son as palabras do director xeral de Planificación Enerxética e Minas, Pablo Fernández Vila, que defendeu que Galicia está ante unha “oportunidade histórica” para ser un referente en materias primas críticas no novo marco europeo, toda vez que a comunidade concentra máis da metade dos recursos minerais sinalados como estratéxicos.

Fernández Vila manifestouse desta forma durante a súa intervención no peche da xornada De Galicia a Europa: marco normativo e tramitación administrativa para unha minería estratéxica.

Mining and Minerals Hall, que se celebrará en Sevilla do 20 ao 22 de outubro e no que Galicia será a comunidade convidada.

Recursos significativos en Galicia

Fernández Vila subliñou que Galicia “quere estar no novo mapa europeo das materias primas críticas”, non só por ser un territorio con recursos, senón tamén por “ser quen de desenvolver coñecemento, tecnoloxía, capacidade industrial e cadeas de valor” asociadas a estes minerais.

Segundo expuxo, os estudos realizados ata agora identificaron no territorio galego “recursos significativos” de 18 das 34 materias primas críticas definidas pola Unión Europea.

Así mesmo, engadiu que é un “gran potencial xeolóxico” que se concentra en varios corredores de “gran interese” asociados a minerais estratéxicos para a industria tecnolóxica e enerxética como son o litio, o volframio, o cobre, o cobalto ou as terras raras.

Informe do Colexio de Xeólogos

Concretamente, referiuse ás conclusións recollidas nun informe elaborado pola USC en colaboración co Colexio de Xeólogos, que cifra o valor económico potencial dos recursos mineiros de Galicia entre 25.000 e 45.000 millóns de euros.

Finalmente, subliñou a “importancia” de que os proxectos conten cun marco normativo que achegue seguridade xurídica, rigor ambiental e procedementos administrativos “áxiles, claros e eficaces”.