Rueda carga contra Yolanda Díaz polo seu ‘non’ ao control do fraude nas baixas laborais e buscará «consenso»

• Yolanda Díaz ve «ilegal» o plan da Xunta para o fraude nas baixas e ameaza con levalo aos tribunais
• Rueda responde ao BNG e ao PSOE: “Os galegos saben que nunca se van a mover do non”

O presidente da Xunta segue adiante co seu plan de control do fraude nas baixas laborais. Alfonso Rueda ratificou este luns a continuidade desta medida que anunciou a semana pasada no Parlamento de Galicia e criticou á vicepresidenta segunda do Goberno, Yolanda Díaz, por pedir a súa retirada aínda “sen coñecelo”.

“Cremos que é necesario actuar e actuaremos”, defendeu o mandatario autonómico, que tamén destacou que viu “moitas reaccións positivas” á medida tanto entre empresarios como entre traballadores. Ao seu xuízo, “o máis cómodo sería non reaccionar”, pero insistiu en que “existe un problema agora mesmo que afecta á produtividade”.

Seguidamente, confesou que lle fai “graza” que haxa quen pida retirar ou queira recorrer un plan que “non coñece”, polo que advertiu que sería recomendable actuar “cun mínimo de obxectividade”. El, pola súa banda, asegurou que segue tendo “claro” que hai un problema ante o que “hai que intervir”. O único que pediu Rueda, en resposta ás preguntas dos medios sobre como se materializará, é “un pouco de tempo” para concretalo. A intención do seu Goberno é, en breve, aprobar un decreto para regular esta coyuntura e tentar mellorar un sistema “cuxo funcionamento é mellorable”, para sometelo ao diálogo social. “Iso imos facer”, resaltou, antes de volver a rexeitar a quen critica “sen coñecer”.

Nese sentido, Alfonso Rueda reafirmouse nos termos nos que anunciou o plan que, segundo dixo na Cámara, ten dous piares fundamentais: a creación de dúas unidades especializadas en doenzas musculares e de psiquiatría menor para dar “apoio” aos profesionais do primeiro nivel asistencial que xestionan as baixas -estarían compostas por médicos do Sergas- e o reforzo do papel das mutuas.

O obxectivo é facer “máis áxil” o funcionamento do sistema e “impedir situacións indeseadas”, destacou o xefe do Executivo autonómico, á espera dunha maior concreción do plan.

Busca dunha “postura construtiva”

Tras adiantar que seguirá adiante coa medida plantexada no debate sobre o estado da autonomía, Rueda expresou o seu desexo de atopar “unha postura construtiva daqueles que forman parte do diálogo social”. “Non estou de acordo; non estamos de acordo e actuaremos. Dicer que non fai falta facer nada porque isto é unha acusación de fraude non ten sentido. É como dicir que non fai falta perseguir infraccións de tráfico ou a evasión fiscal porque a maior parte da xente cumpre as normas ou paga os seus impostos“, aseverou.

“Insisto en que actuaremos, intentaremos conseguir os máximos consensos posibles pero ao final nunha administración a xente vótanos para que actuemos pensando en solucionar os problemas cando existen. Eu espero que haxa o máximo consenso posible e imos buscalo, pero non facer nada non é unha alternativa”, advertiu.

“Sabemos o marco no que nos movemos, sabemos como hai que facer as cousas para ter os apoios necesarios para que o sistema funcione e facer as reformas tamén no sistema da administración para que sexa máis áxil”, rematou.