Unha marea humana clama na Praza do Obradoiro contra o "xenocidio" en Gaza.

Manifestación multitudinaria en Santiago de Compostela contra os ataques de Israel na Franxa de Gaza. Unhas 15.000 persoas segundo a Policía Local e 80.000 segundo os convocantes encheron a compostelá Praza do Obradoiro para expresar o seu rexeitamento “contra o xenocidio e a ocupación en Palestina” nunha manifestación multitudinaria que “colapsou” a capital galega, tal e como destacou a organización.

Baixo o lema Galiza con Palestina, dous anos de xenocidio, 77 anos de ocupación, a manifestación partiu da Alameda ás 12.00 horas para dirixirse á Praza do Obradoiro. A cantidade de asistentes fixo que a lectura do manifesto se levara a cabo cando aínda non chegaban todos os manifestantes ao final do percorrido.

Con bandeiras palestinas, kufiyas e centos de sandías -froita que se converteu nun símbolo para a loita palestina-, os manifestantes proclamaron cánticos como Netanyahu asasino; Israel asasina, Europa patrocina; O sionismo é terrorismo; Galiza con Palestina; Palestina vencerá ou Onde están, non se ven, as sancións a Israel son algúns dos cánticos que corearon nesta xornada os manifestantes.

“O que reclamamos é que termine a ocupación de Palestina e que os palestinos teñan o seu estado libre e independente, que teñan os seus dereitos como calquera outro pobo e que vivan en paz e en dignidade”, argumentou Sami Ashour da Coordinadora Galega ante os medios.

Así mesmo, Óscar Baladares, da Coordinadora Galega de Solidariedade con Palestina, asegurou que “o xenocidio é só unha fase, son 77 anos de ocupación e, polo tanto, hai que continuar mobilizando ao pobo galego para dar resposta”.

“Os números non serven para describir o resultado desta barbarie”

En praza chea, Ánxela Gippini, de Galiza por Palestina, iniciou a lectura do manifesto, co que denunciaron que “dicir que son 70.000 as vítimas mortais é dicir só un número, é deixar fóra ás vítimas que aínda non foron recuperadas e ás que xa o perderon todo pero aínda conservan a vida”.

“Os números non serven para describir o resultado desta barbarie“, asegurou, ademais, instou a “parar o xenocidio” e a permitir a entrada de axuda humanitaria.

“Pero co fin desta fase e dos seus horrores non desaparecerá o pesadelo da ocupación e non pode cesar a nosa acción de denuncia e repulsa, nin as nosas esixencias á comunidade internacional e aos nosos gobernos”, subliñou.

Pola súa banda, Sara Ashour, da Asociación Galaico-Árabe, pediu “humanidade e que non se mire para outro lado”, ademais, insistiu en que o “plan de paz” do presidente dos Estados Unidos, Donald Trump, “non é realmente un acordo de paz” e argumentou que “todas as vidas valen por igual”.

Durante a lectura do manifesto tamén incidiron en que Israel “é un estado artificial izado por colonos, un estado supremacista e racista”, neste contexto, aseguraron que o pobo galego “historicam…