Besteiro pide ao PSOE «non ser inxenuos» fronte ás «operacións de desgaste político»
O líder dos socialistas galegos considera que o Goberno está a ser vítima dunha "campaña impulsada polas dereitas sen precedentes".
27/06/2026 Besteiro acode ao comité federal do PSOE na sede de Ferraz, Madrid, a 27 de xuño de 2026. O secretario xeral do PSdeG, José Ramón Gómez Besteiro, asegurou á entrada do comité federal do PSOE que o Goberno enfrontase a unha “campaña impulsada polas dereitas sen precedentes” e chamou a “non ser inxenuos” fronte ás “operacións de desgaste político”. POLÍTICA PSDEG
Comentarios
O secretario xeral do PSdeG, José Ramón Gómez Besteiro, asegurou á entrada do comité federal do PSOE que o Goberno enfróntase a unha “campaña impulsada polas dereitas sen precedentes” e chamou a “non ser inxenuos” fronte ás “operacións de desgaste político”. Fixoo en medio da onda de procesos xudiciais que afectan ao seu partido e da presión a Pedro Sánchez para que dimita ou convoque eleccións.
“Non hai equidistancia posible. Hai quen leva anos intentando conseguir fóra das urnas o que non conseguiu dentro delas“, criticou nun audio remitido aos medios antes da celebración desta xornada na sede de Ferraz, en Madrid. O líder socialista encabeza a delegación galega que acudiu ata alí, conformada por unha vintena de dirixentes.
Os antecedentes de Feijóo
Como obxectivos da xornada, citou tres en concreto: reforzar a organización, preparar o ciclo electoral e aprobar un novo Regulamento Federal de transparencia. Iso enmarcouno nunha campaña das dereitas que “cruzou todas as liñas que nunca se deben cruzar nunha democracia”.
Besteiro tamén falou desde a experiencia propia e asegurou que “sabe ben” o que é defenderse de acusacións que “acaban quedando en nada”. Tamén puxo a Galicia como exemplo do que ocorre a nivel estatal: “Na terra de Feijóo, sabemos moi ben do que falamos. Moitas desas estratexias de desgaste político e mediático que hoxe vemos no conxunto do Estado xa as sufrimos moito antes“.
En contraposición, reivindicou os oito anos de gobernos progresistas como “o mellor aval” do partido, o que, nas súas palabras, conlevaron “máis emprego, máis dereitos, máis protección social e mellor convivencia”. “Iso é o que imos defender”, concluíu.
