Actualizado
Comentarios
Triple ofensiva de Rueda fronte ao Goberno: AVE, fondos europeos e medios para xestionar o litoral
El presidente de la Xunta solicita una reunión con Sánchez mientras el PPdeG presiona para acelerar el traspaso de medios para gestionar la costa y por la cogobernanza de los fondos europeos
El presidente de la Xunta, Alfonso Rueda
Comentarios
Alfonso Rueda solicitoulle ao presidente do Goberno, Pedro Sánchez, manter un primeiro encontro despois de tomar posesión no cargo tras as eleccións do pasado mes de febreiro. Fixoo esta mañá, despois da viaxe a Arxentina e do encontro co rei Felipe VI, e espera que se produza “canto antes”, pois o dirixente autonómico segue tendo unha lista de peticións que trasladar ao xefe do Executivo central.
Antes de que esa reunión se produza, pois obviamente aínda non ten data, Óscar Puente, o ministro de Transportes, visitará Galicia a semana que vén. Rueda di que espera que “todas as reclamacións” que se veñen facendo nos últimos meses por parte da Xunta “se concreten” e se dé traslado da información que se reclamou e que “ata agora non se suministró”.
En concreto, apuntou a que na chegada dos Avril a Galicia se concrete o número de prazas e as frecuencias, así como unha diminución de prezos. Tamén pretende falar con él do Corredor Atlántico, para saber “compromisos concretos e suficientes”.
Fondos europeos
A petición de unha reunión con Sánchez coincide cunha ofensiva do PPdeG no Parlamento con dúas proposicións non de lei destinadas a esixir ao Goberno central, por un lado, que “traspase de inmediato” os medios para xestionar a costa despois de que o Constitucional avalase a Lei do Litoral, e, por outro, a transferencia da xestión directa dos fondos europeos e dos fondos dispoñibles dos Perte.
Por unha banda, pedirán ao Goberno de España a transferencia da xestión directa dos fondos europeos de recuperación, en particular, por seu ámbito industrial en cumprimento dos “reiterados acordos” adoptados no Parlamento de Galicia, segundo explicou o portavoz Alberto Pazos.
En segundo lugar, esixirán que a comunidade poida xestionar mediante un sistema de cooperación e cogobernanza os fondos dispoñibles dos Perte, para apoiar con “maior axilidade e eficacia” ás empresas galegas nos procesos de recuperación e transformación económica.
“Dende o primeiro momento dixemos que os fondos europeos representaban unha excelente oportunidade para transformar o sistema produtivo de Galicia, en concreto, e de España en xeral, favorecendo o desenvolvemento dunha economía sostible e resiliente despois da crise motivada pola Covid-19”, incidiu.
