Os traballadores de Einsa Print enfrontan o ERE: "É totalmente fraudulento"

A plantilla de Einsa Print opónse ao expediente de regulación de emprego (ERE) proposto pola dirección da empresa. Os traballadores da firma de Pontedeume concentráronse este mércores na Praza de España de Ferrol para esixir a retirada “rotunda” deste ERE que consideran “fraudulento”.

O presidente do comité de empresa, Antonio García, e o secretario comarcal da Federación de Industria da CIG en Ferrol, Vicente Vidal, denunciaron a “mala fe” da compañía. “Este ERE é totalmente fraudulento. Hai apenas 15 meses tivemos un ERE onde 120 compañeiros tiveron que irse por causas organizativas e produtivas”, lamentou García, ao tempo que explicou que dende aquel momento tiñan un “acordo de mantemento de emprego ata o 31 de decembro de 2026, con un plan de viabilidade da empresa para novos proxectos”.

Segundo García , en lugar de avances, produciuse un “claro desmantelamento das instalacións, con perdas de clientes e venda de maquinaria”.

A indignación dos traballadores agravouse ao coñecerse que este novo ERE se presenta por “causas económicas e produtivas”, despois de que a empresa recadase 16,2 millóns de euros pola venda dunha participación do 14% noutra empresa do grupo, GT Motive, con sede en Campolongo (Pontedeume).

Voltas cos fondos obtidos pola venda de empresas

“Non pedimos que retiren o ERE, senón que o esiximos”, afirmou Vidal. Ademais, indicou que “a parte que representa á empresa recoñece que, parte das causas produtivas deste segundo ERE, son as mesmas que no anterior”. Vidal questionou duramente a solvencia alegada pola empresa para xustificar o impago de indemnizacións: “¿Onde foron eses 34 millóns de euros -dunha venda anterior- se agora a empresa non ten para pagar?”.

Segundo os sindicatos, a empresa non busca a liquidación, senón que “os xefes cansáronse do tema das artes gráficas e queren enfocarse nun novo sector”. Os representantes sindicais sinalaron que o ERE anterior, aprobado en febreiro de 2024, incluía unha garantía de emprego ata o 31 de decembro de 2026 e especificaba as condicións para posibles despedimentos individuais ou colectivos por causas sobrevidas.

“Se incumpriuse o que está asignado, ¿cómo imos crer o que están tentando facer?”, preguntouse Vidal. Os traballadores de Einsa Print exixen ás administracións que se senten a negociar e que obrigu…