Actualidade

A Central Sindical Independente e de Funcionarios (CSIF) pide a "suspensión inmediata das actividades" ata que se adopten as medidas necesarias para garantir a seguridade e reducir a exposición a este gas radiactivo.

O grupo ecoloxista afirma que os datos xa foron presentados "moito antes do verán" á Consellería de Medio Rural e cuestionanse se o Executivo autonómico está intentando "ocultar o seu fracaso", especialmente no relativo ao incremento de superficie ocupada polo eucalipto.

As asociacións de hospedaxe cren que non hai base para a súa implantación mentres os gobernos locais afirman que os visitantes sufragarán servizos públicos que usan.

A licitación de obra pública lanzada por todas as administracións públicas do país alcanzou os 22.349 millóns de euros nos primeiros oito meses de 2025, o que supón un incremento do 17% respecto ao ano anterior.

O Concello aprobou unha modificación das ordenanzas reguladoras de ingresos públicos que inclúe a aplicación dun recargo de entre o 50 e o 150% no imposto de bens inmobles en vivendas que estean desocupadas durante dous ou máis anos cuxos propietarios sexan titulares de catro ou máis inmobles.

O Consello de Contas destaca nun informe a perda de capacidade de atracción de peregrinos aos albergues públicos posto que aumenta o número de camiñantes mentres descenden os que optan por aloxarse na rede pública.

A conselleira de Economía pedirá este martes ao secretario de Estado de Enerxía e responsables de Rede Eléctrica que o Goberno atenda as necesidades de 15 zonas "estratéxicas" para Galicia.

A Deputación da Coruña presenta no Festival de San Sebastián o proxecto Coruña Estudio Inmersivo, que "conecta dous sectores clave para o futuro de Galicia: o audiovisual e o tecnolóxico".

A Xunta mantén a situación 2 no incendio de Pombeiro, parroquia de Pantón, que xa queimou unhas 2.000 hectáreas.