Baixo o lema 'Dende a Ulloa ata o mar, polas que somos e as que virán', miles de persoas saíron ás rúas un ano despois doutra masiva mobilización que desbordou a Praza do Obradoiro.
O número de persoas co nome de Matilda incrementouse un 55% desde o nacemento da segunda filla da presidenta non executiva de Inditex, segundo datos do Instituto Nacional de Estatística.
O presidente da Confederación de Empresarios de Galicia, Juan Manuel Vieites, considera que o 1,5% para Galicia sería un "valor aceptable" dentro dos parámetros recollidos pola patronal e rexeita o incremento entre o 3,1% e o 4,7% que propón o comité de expertos do Ministerio de Traballo.
Os produtores da comunidade cifran en 1,5 millóns por semana o efecto na comunidade da caída de prezos pola crise detectada en Cataluña.
Un informe revela que Galicia destina 944 euros por habitante a partidas orzamentarias como cultura, promoción económica, transporte, vivenda, medio ambiente ou cooperación exterior, mentres que sanidade, educación ou protección social reciben o triplo de recursos.
Varios deputados e senadores do PP reuníronse con Juan Manuel Vieites para ofrecer aos autónomos "menos impostos e trabas, máis facilidades para crecer e máis protección".
Ahosgal constata que o "crecemento da demanda das consultas privadas" motivou que xurdan listas de espera de "25 días", pero contrapoñen estas cifras coas da sanidade pública.
A flagship de Zara na Coruña contará ata o 5 de xaneiro cun espazo especial que simula unha oficina postal de Nadal, deseñada por Zara Home, e cunha oferta especial.
O catedrático e expresidente da Xunta fai un chamamento á concordia e a actuar "contra a polarización extrema e contra aqueles que alentan a crispación"
A directora do Igape puxo en valor os avances de Galicia en materias como a automatización ou a dixitalización e destacou a importancia do binomio industria-enerxía para atraer novos proxectos á comunidade.
