Rueda fai oficial a peor onda de lumes do século en Galicia: arderon 96.000 hectáreas e 180 vivendas
Os lumes afectaron a 62 concellos galegos e obrigaron a confinar a máis de 2.000 persoas; no mes de agosto rexistráronse 663 focos.
Galicia registró en 2025 la peor ola de incendios del siglo, con más de 95.000 hectáreas quemadasGalicia registró en 2025 la peor ola de incendios del siglo, con más de 95.000 hectáreas quemadas / EP
Comentarios
Era un segredo a voces e Alfonso Rueda fixoo oficial. Galicia sufriu en 2025 a peor onda de incendios do século, superando o rexistro do ano 2006 cando arderon case 96.000 hectáreas. Segundo o presidente da Xunta, entre xullo e agosto deste ano as lapas arrasaron 96.500 hectáreas, cos incendios de Larouco, Chandrexa de Queiza e Oimbra como os máis virulentos.
Segundo os rexistros da Xunta, hai que irse ata 1989 para atopar un exercicio con máis territorio afectado polo lume. Entre 2019 e 2024 arderon na comunidade 87.000 hectáreas. Este 2025 superáronse as 96.000, aínda que os datos do sistema europeo Copernicus elevan esta cifra bastante por riba das 100.000.
Máis de 60 municipios afectados
Os concellos afectados en toda a comunidade ascenden a 62, aínda que Rueda matizou, ao termo do Consello extraordinario que presidiu en Ourense para poñer en marcha as axudas, que uns sufriron os danos “con máis intensidade que outros. Tamén deu os datos das vivendas ás que chegaron as lapas: 144, das que oito eran habituais e 42 segundas residencias. O resto estaban en ruínas ou abandonadas. O dirixente autonómico informou na súa comparecencia de que 400 persoas foron evacuadas nalgún momento da onda de incendios; e producíronse “algo máis de 2.000 confinamentos”.
Arredor de media ducia de explotacións gandeiras, galpóns ou naves de outro tipo vironse afectadas en maior ou menor medida polos incendios. Actualmente hai 32 persoas que están sendo investigadas e 11 detidos por provocar lumes.
