Zona Franca de Vigo premia a Velneo con catro indicadores Ardán polo seu desempeño empresarial

A plataforma low code Velneo de Visual MS, que permite a outras empresas desenvolver as súas propias solucións de software, foi distinguida con catro indicadores Ardán en recoñecemento á súa actividade empresarial. O Consorcio da Zona Franca de Vigo concede á firma con base de operacións en O Porriño os selos de alta produtividade, empresa innovadora, empresa global e empresa con xestión do talento.

Juan Carlos Pérez, responsable financeiro de Visual MS, e Óscar Soliño, CEO de Velneo, recollerán o próximo 4 de xuño o galardón. Pérez agradeceu que a Zona Franca se fixase novamente en Visual MS á hora de entregar os seus codiciados indicadores Ardán.

Sobre a xestión do talento, sinalou que “somos unha empresa tecnolóxica onde conseguimos elevar ata os catorce anos de antigüidade, máis do triplo que a práctica totalidade das empresas da industria tecnolóxica grazas á implantación de políticas de benestar onde o empregado se pon no centro”.

O responsable financeiro de Visual MS explicou a alta relación que existe entre coidar aos empregados e a alta produtividade da entidade. “Comprobamos como moitas outras empresas do sector descenden os seus índices de produtividade ante unha alta rotación dos seus empregados. Canto máis continuidade e estabilidade laboral poidamos aportar, os nosos índices de produtividade sempre serán crecentes”.

Desde a compañía lembran nunha nota de prensa que foron recoñecidos como “Best Workplaces en 2009, 2010 e 2011, acadando o 1º e 2º posto na nosa categoría, e en 2024 logramos o 1º posto no sector Tecnoloxía (empresas de 101 a 250 empregados)”.

Por outra banda, Soliño apuntou que Velneo, a pesar de cumprir xa dúas décadas de traxectoria, “continúa sendo unha referencia para miles de empresas que precisan dispoñer de ferramentas tecnolóxicas áxiles, fáciles de implementar e que reduzan ao mínimo o time to market para poder ser competitivas”. “Para Velneo é unha satisfacción tremenda que Zona Franca de Vigo, a través dos indicadores Ardán, se fixase en Velneo como empresa innovadora. Surrimos hai máis de 20 anos con ese leit motiv e esa seguirá sendo a nosa guía: aportar ao mercado innovación tecnolóxica que permita ás empresas facer medrar a súa facturación”.

Ademais destes catro indicadores, Visual MS lidera actualmente o Ranking Ardán de Empresas Intelixentes, listado que identifica compañías galegas destacadas en I+D+i, internacionalización, igualdade, talento e sustentabilidade elaborado pola Zona Franca de Vigo en colaboración coa Universidade de Vigo. Este listado identifica compañías galegas destacadas en I+D+i, internacionalización, igualdade, talento e sustentabilidade.