O aeroporto de Santiago retoma a actividade tras mes e medio de parón e estrean ruta a Nova York
O aeroporto Santiago-Rosalía de Castro volve á normalidade tras 35 días de peche para a execución de obras de mellora na súa pista de voo.
Vista interior do aeroporto de Lavacolla
Comentarios
Volta á normalidade en Lavacolla. O aeroporto Santiago-Rosalía de Castro retoma a súa actividade este xoves tras permanecer pechado durante 35 días para a execución de obras de mellora na súa pista de voo.
De acordo cos prazos estipulados, as actuacións finalizaron no tempo previsto, o que permite recuperar a operatividade habitual da infraestrutura compostelá.
O proxecto de remodelación inclúe, ademais do pavimento da pista, a adecuación das instalacións eléctricas e do sistema de drenaxe. Así mesmo, levouse a cabo unha renovación do sistema de axudas para operar en condicións de baixa visibilidade, asegurando que a reapertura se realice con todas as garantías operativas.
A pesar de que o aeroporto volve estar operativo, os traballos de mellora continuarán en horario nocturno ata finais de ano para completar as actuacións restantes sen afectar o tráfico comercial.
Ademais da reactivación da terminal, Lavacolla vive esta semana o estreo da nova ruta aérea de United Airlines que conectará Santiago con Nova York, reforzando a oferta internacional do aeroporto galego.
