Entrepinares, o queixeiro de Mercadona, amplía a súa actividade en Galicia cunha inversión de 20 millóns
O grupo pucelano comezará a producir en Vilalba queixo cottage a partir de 2027, cunha capacidade anual de 7 millóns de quilos.
Fábrica de Entrepinares en Valladolid
Comentarios
Entrepinares sobe a aposta de Galicia. O provedor de queixos de Mercadona investirá 20 millóns na planta de Vilalba co obxectivo de producir queixo cottage, unha variedade en auxe pola crecente demanda de produtos frescos, saudables e ricos en proteínas. A previsión da compañía vallisoletana é que a nova liña de produción estea operativa no segundo semestre de 2027, cunha capacidade de 7 millóns de quilos ao ano.
O queixeiro de Mercadona, que representa aproximadamente o 7% da recollida de leite en Galicia, mantén Vilalba como un dos seus focos de crecemento nun desenvolvemento que vincula a alianza coa cadea de Juan Roig e á súa procura de innovación e adaptación ás novas demandas dos consumidores.
Nun comunicado, Entrepinares sinala que a ampliación de capacidade é un proxecto estratéxico para entrar no segmento dos queixos frescos. Os equipos do grupo traballan actualmente na planificación e desenvolvemento das diferentes fases da iniciativa para cumprir cun calendario esixente, pois prevén completar a nova capacidade de produción en 18 meses.
Calculan que arredor de 60 persoas traballarán en actividades vinculadas a esta categoría dentro da planta, para a que é previsible que Entrepinares teña que incrementar o volume de recollida en Galicia.
As vantaxes de Galicia
José Manuel García Bejines, CEO do Grupo Entrepinares, sinalou que o proxecto expresa a “volontade de seguir avanzando” para satisfacer as necesidades dos nosos consumidores. “Enfrontamos este reto coa ambición de quen quere seguir achegando valor ao sector lácteo nacional, pero tamén coa responsabilidade de construír capacidades industriais que nos permitan ser máis competitivos e estar preparados para o futuro”, asegurou.
Respecto á elección de Vilalba para a produción de queixo cottage, dixo que é o lugar onde contan con “a materia prima, o entorno social axeitado e a capacidade industrial necesaria para desenvolver este proxecto con garantías“. “Por tanto, ten sentido que este crecemento se produza aquí e que Galicia sexa protagonista deste novo capítulo para Grupo Entrepinares”, concluíu.
