Ilunion, do grupo Once, adiántase na carreira pola residencia de Amancio Ortega na Coruña.
A mesa de Política Social solicita aclaracións sobre as ofertas de Eulen, Valdegodos, Ballesol e Fesán, que xa xestiona dúas residencias doadas polo fundador de Inditex e que supostamente incorreu nun prezo temerario.
De izquierda a derecha, Elsa Urquijo, Alfonso Rueda, Flora Pérez e Inés Rey en el centro de mayores donado por Amancio Ortega en A Coruña / Xunta
Comentarios
Ilunion Sociosanitarios, división de servizos que forma parte do grupo empresarial de Once, toma a dianteira na loita por xestionar a residencia doada por Amancio Ortega na Coruña. A súa oferta obtivo a maior puntuación tras a valoración da metodoloxía de intervención e o plan de formación, nos que se podía obter un máximo de 35 puntos. Ilunion conseguiu 30.
Con ese resultado sitúase no primeiro posto, por diante de Serge (28,25 puntos) e de DomusVi (26,25 puntos), aínda que nunha fase aínda temperá do concurso para privatizar a xestión do centro de maiores, pois está pendente de valorar a oferta económica e aínda restan as aclaracións e alegacións das empresas.
Mais rezagados quedan os donos de Alcampo e Decathlon, que compiten a través de Amavir e quedáronse en 21,5 puntos. Clece, filial do grupo de Florentino Pérez en proceso de venda, obtivo 25 puntos.
Cita para Eulen, Valdegodos e Fesán
A mesa armada pola Consellería de Política Social, que se reuniu este 30 de setembro, pediu aclaracións ás ofertas de Ballesol, Fesán, Eulen e Valdegodos. De todas elas, só Fesán, que xa se fixo con dous dos centros de maiores doados polo fundador de Inditex (Santiago e Lugo) inculpiu en presunción de anormalidade por ofrecer un prezo excesivamente baixo, é dicir, 10 unidades porcentuais por debaixo da media do resto de ofertas. Obteu 22,20 puntos na valoración técnica.
Eulen, a empresa onde traballa a irmá de Alberto Núñez Feijóo, alcanzou os 26 puntos; a fundación Valdegodos situouse nos 30 puntos, polo que sería a segunda mellor oferta ata o momento. De máis lonxe parte Ballesol, filial da aseguradora Santa Lucía, que se quedou nos 16 puntos. A Xunta recibiu en total 14 ofertas, despois de que cambiase a súa metodoloxía de selección, pois nas dúas primeiras residencias doadas por Amancio Ortega limitou o concurso ás fundacións, para despois abrilo tamén a empresas.
A doazón de Amancio Ortega
A Fundación Amancio Ortega iniciou en 2019 este donativo coa intención de construír un centro de maiores en cada unha das cidades galegas, é dicir, sete. A entidade, presidida pola muller do empresario, Flora Pérez, prevé un investimento próximo aos 180 millóns. O centro da Coruña, igual que os anteriores, foron deseñados polo estudio de Elsa Urquijo, arquitecta de cabecera de Amancio Ortega. As obras correron a cargo de Goa Invest, filial construtora de Inditex.
A previsión é que o centro de maiores herculino entre en funcionamento antes de que finalice o ano tras un investimento de 36 millóns, incrementando a rede pública con 150 novas prazas. Iso si, con xestión privada.
