Inditex retén o trono do Ibex por un mínimo fronte ao Santander tras borrar todo o gañado en bolsa este ano
Inditex pecha a semana mantendo o liderado do Ibex 35 a pesar de caer un 1,35% na sesión deste venres; 359 millóns de euros separan a ambas compañías.
Ana Botín e Marta Ortega, presidentas do Banco Santander e Inditex
Comentarios
Inditex pecha a semana revalidando o seu liderado no Ibex 35. A caída de Banco Santander na recta final da sesión do venres (pasou de cotizar a 11,9 a 11,8 euros na última media hora) permitiu que a multinacional que preside Marta Ortega arranque a penúltima semana de xuño na pole position do selectivo español de referencia.
A propietaria de Zara despedíu a xornada cun novo retroceso do 1,35%, o que deixou as súas accións instaladas nos 55,74 euros. Isto implica un novo recorte na súa capitalización bursátil, que cae ata os 173.722 millóns de euros, pero que lle permite seguir por diante de Banco Santander.
E é que as accións da entidade que preside Ana Botín deixáronse un 0,69% este venres tras unha mala recta final de xornada. O seu valor en bolsa descendiu ata os 173.363 millóns de euros, quedando así ás portas de consolidar un sorpasso a Inditex que si logrou materializar intradía.
Inditex e Banco Santander moveronse á baixa nunha xornada na que lastraron un Ibex que se deixou un 0,29% e pechou nos 19.347 puntos. O índice español quedou ás portas de marcar novos máximos tras unha semana de fortes subidas ao calor do acordo entre Estados Unidos e Irán e as perspectivas de futuras subidas de tipos de interese, o que levou en volandas á banca.
Inditex e Santander convencen aos analistas
Banco Santander aproveitou esta dinámica de mercado para elevar ata o 18,6% a súa revalorización no que vai de 2026 mentres que Inditex abandonou os números vermellos en bolsa para deixar nun 0,6% a súa subida este ano.
Inditex viu beneficiada, en parte, pola reiteración da recomendación de compra por parte de RBC que aínda ve un alto potencial á multinacional con sede en Arteixo, para a que estima un prezo obxectivo en 63 euros por acción.
No caso do Santander, os analistas de KBW moveron ficha e puxeron en valor a fortaleza da financeira entre os bancos europeos e outorgándolle un prezo obxectivo de 13,30 euros, o que supón un potencial do 12,7% respecto aos seus niveis actuais.
