Un software da galega Visual Trans permite ás navieiras coñecer a localización en tempo real dos seus conteedores.
O cliente final dispón dun portal de autoservizo onde pode visualizar en tempo real a localización do seu envío, marítimo ou aéreo, reducindo o volume de chamadas e correos de consulta.
Imaxe de arquivo dunha terminal de contedores nun porto.
Comentarios
Visual Trans, a firma galega especializada no desenvolvemento de solucións dixitais para o sector transitario e loxístico, conta cun software que permite coñecer ás navieiras en tempo real a localización dos seus contedores así como a data de entrega. “O recente conflito no Oriente Medio suporá un importante impacto tanto no transporte de mercadorías aéreo como marítimo”, explican desde a compañía.
Segundo apuntou José Antonio Vilán Costas, responsable de produto, “nestes momentos tan críticos a tecnoloxía posiciónase como o aliado idóneo, deixando de ser unha ferramenta administrativa para converterse en parte dun sistema de supervivencia”.
Como funciona Visual Trans
Visual Trans elimina capas manuais de información e reporting dando visibilidade ao cliente en tempo real respecto a onde está o seu envío. “O valor engadido de Visual Trans é informativo, brindando aos transitarios información respecto a onde se atopa un envío marítimo ou aéreo determinado”. O cliente final dispón dun portal de autoservizo onde pode visualizar en tempo real a localización do seu envío (marítimo ou aéreo), algo que reduce o volume de chamadas e correos de consulta, “ofrecendo unha experiencia dixital superior que reforza a lealdade do cliente mesmo ante atrasos alleos á transitária”.
Tal e como sinala Vilán, “no medio do caos que provoca un conflito bélico de maneira inesperada, a tecnoloxía de Visual Trans ofrece aos nosos usuarios unha trazabilidade total, permitindo saber en todo momento onde está a carga”. Deste xeito, os transitarios poden traballar de maneira anticipada, controlando máis eficazmente os posibles sobrecustos derivados de gastos como combustible, logrando unha mellor xestión financeira.
O software é capaz de monitorizar en tempo real onde se atopa cada contedor e, en base a determinadas premisas, poder tomar as mellores decisións informadas de maneira inmediata.
“Cada carga está perfectamente identificada, sabe onde cargan, cara onde se dirixen e co software de Visual Trans pódese coñecer con gran precisión cando chegará ao destino. Así, agora, ante un conflito nun recuncho do mundo, Visual Trans permite anticiparse para evitar na medida do posible aumento de custos de fretes, combustibles, etc.”, subliña Vilán.
