A Xunta defende que o decreto antiapagóns buscaba “blanquear” axudas directas a Cataluña

A conselleira de Medio Ambiente, Ángeles Vázquez, afirmou que o decreto antiapagóns que derribou o Congreso co voto en contra de PP, Vox, Podemos, BNG, Junts e CHA buscaba “blanquear temas” como “subvencións nominativas ad hoc a certas comunidades autónomas para seguir mantendo algúns no poder”.

“A nosa crítica foi desde o minuto cero. Se vemos o que se pretendía aprobar e vemos a situación galega, ao final a resposta é que era para blanquear certos temas, entre eles dar subvencións nominativas ad hoc a certas comunidades autónomas para seguir mantendo algúns no poder. Neste caso eran 2 millóns a Cataluña para o tratamento de puríns”, criticou.

Sen “responsabilidades” polo apagón

Galicia, advertiu, “non pode quedar coas mans cruzadas” e “ten que denunciar esta situación”. Ademais, a conselleira apuntou a “algo fundamental polo cal expedientaron a España”, polo feito de que “non hai unha trasposición” para que “se consideren as enerxías limpas como ben de interese público superior”. “Iso segue sen facerse”, censurou.

“Hay que ser claros e non podemos aprobar reais decretos cuxo fin sexa apoiar a unhas comunidades e deixar fóra a outras. E sobre todo non ser claros en algo que xa case se nos esquece pero que foi ese apagón que a día de hoxe non hai responsabilidade absoluta sobre ninguén”, concluíu Ángeles Vázquez.