O Parlamento galego garda un minuto de silencio polo «xenocidio» do pobo Palestino.
Alfonso Rueda pediu que se homenaxeara tamén ás vítimas de Hamás e evitou utilizar a palabra xenocidio, que si quedou recollida na proposta do PSdeG.
Minuto de silencio del Parlamento por las víctimas del genocidio del pueblo palestino – EUROPA PRESS
Comentarios
O Parlamento de Galicia gardou un minuto de silencio en memoria das vítimas do xenocidio cometido por Israel contra o pobo palestino. O presidente da Cámara, Miguel Santalices, anunciou no arranque do Pleno que había acordo de todos os grupos para realizar un minuto de silencio a petición do PSdeG. Todos os deputados puxéronse de pé e terminaron o minuto con aplausos.
O texto do PSdeG enviado á Mesa do Parlamento polo que se garda o minuto de silencio condena “a masacre que está sufrindo o pobo palestino” e solicita esta petición “polas vítimas inocentes do xenocidio na Franxa de Gaza e Cisxordania“. Igualmente, o escrito denuncia o asasinato de 20.000 nenos e nenas, ademais de fogares arrasados e “as condicións mínimas de vida destruídas”. Tamén sinala a “profunda inxustiza” e a “reiterada vulneración de dereitos humanos básicos”, ao tempo que pide unha “paz xusta e duradeira na rexión”.
O PP pediu incluír ás vítimas de Hamás
Aínda que o PP galego asumiu tacitamente o concepto de “xenocidio” na proposta socialista, o presidente da Xunta, Alfonso Rueda, evitou pronunciar a palabra na súa intervención, como vén facendo ata agora, ao igual que Alberto Núñez Feijóo. Figures importantes do partido, como Isabel Díaz Ayuso ou José Luis Martínez Almeida, incluso mostráronse abertamente en contra de que Israel estea perpetrando un xenocidio.
Rueda trasladou, iso si, a súa “repulsa ao que está a pasar en Gaza”, aínda que recriminou ao líder dos socialistas galegos, José Ramón Gómez Besteiro, que “dixo que non” á proposta dos populares de que ese minuto de silencio tamén fose “polas vítimas de Hamás”. “Non hai vítimas de primeira ou de segunda”, aseverou.
A respecto, o secretario xeral do PSdeG, José Ramón Gómez Besteiro, agradeceu o apoio da Cámara a esta proposta socialista. “Non podemos callar, non podemos permanecer neutrais”, afirmou. Ademais, reprochou a Rueda que non pronunciase a palabra xenocidio na súa intervención.
